Kigali

Mukura Victory Sports niyo yegukanye igikombe cy’amahoro 2018

Imikino   Yanditswe na: Dusingizimana Remy 12 August 2018 Yasuwe: 3626

Umunyezamu Ingabire Regis abaye intwari ya Mukura VS kuko ayifashije kwegukana igikombe cy’amahoro kuri penaliti 3-1 aho yakuyemo 2 zose ,bituma Mukura VS ikatisha itike yo kwerekeza mu mikino ya CAF Confederations Cup.

Mu mukino amakipe yombi yagerageje gushaka ibitego bikanga iminota 120 iarangira ari 0-0,Mukura Victory Sports niyo ihiriwe na penaliti kuko yinjije penaliti 3-1 biyihesha kwegukana igikombe cy’Amahoro ndetse no guhagararira u Rwanda mu mikino ya CAF Confederations Cup.

Mukura VS yatutswe na benshi kubera ukuntu yitwaye nabi muri shampiyona,ikoze amateka yo kwegukana igikombe cy’Amahoro nyuma yo kwihagararaho mu minota 120,itsindira kuri penaliti.

Umutoza Haringingo Francis Christian ukomoka mu Burundi ahiriwe n’umwaka we wa mbere muri Mukura VS,kuko yegukanye iki gikombe yari akwiriye cyane ko yakuyemo amakipe 2 akomeye mu Rwanda APR FC na AS Kigali.

Haringingo yerekanye ko azi ikipe ye kuko mu minota ya nyuma y’iminota 30 y’inyongera yakuyemo umunyezamu Rwabugiri wari witwaye neza mu mukino ashyiramo Ingabire Regis kugira ngo amufashe gukuramo penaliti biramuhira kuko yakuyemo penaliti 2 zose.

Penaliti za Rayon Sports zahushijwe na Rwatubyaye Abdul wahushije iya mbere,Mugume Yassin ahusha iya kabiri Mukunzi Yannick yinjiza imwe itabafashije kuko Bimenyimana Bonfils Caleb yihereye Mukura VS igikombe.

Mukura Victory Sports itigeze ihusha penaliti yatsindiwe na Duhayindavyi Gael wateye iya mbere,Hakizimana Kevin yinjiza iya kabiri,Rugirayabo Hassan yinjiza iya 3,bituma itwara igikombe cy’Amahoro yaherukaga gutwara cyitwa Rwanda Cup.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cristiano Ronaldo yatumye benshi bacika ururondogoro kubera ibyo yavuze ku...

Rutahizamu Cristiano Ronaldo ukinira ikipe ya Juventus yo mu...
12 December 2018 Yasuwe: 2527 1

N’golo Kante yongeye guca ibintu kubera ibyo yatangarije abamwita umwitonzi...

Umukinnyi wa Chelsea, N’golo Kante yatangaje ko abantu bavuga ko ariwe...
12 December 2018 Yasuwe: 2668 0

Mukunzi Yannick yavuze byinshi kuri rutahizamu Rafael ushobora gukina...

Umukinnyi Mukunzi Yannick ukina hagati mu kibuga mu ikipe ya Rayon Sports...
12 December 2018 Yasuwe: 2988 0

Jimmy Mulisa yavanye mu kwezi kwa buki Mangwende kugira ngo amufashe...

Umutoza wa APR FC,Jimmy Mulisa yakuye igitaraganya myugariro Imanishimwe...
12 December 2018 Yasuwe: 3486 0

Liverpool na Tottenham zageze muri 1/16 cya UEFA Champions League mu buryo...

Amakipe 2 yo mu Bwongereza,Liverpool na Tottenham Hotspurs yari yitezwe...
12 December 2018 Yasuwe: 1198 0

Robertinho na Yannick batangaje uko biteguye umukino w’ishyiraniro bazahura...

Umutoza wa Rayon Sports Robertinho na Mukunzi Yannick batangaje ko imyitozo...
11 December 2018 Yasuwe: 2928 1