Kigali

Mukura VS ihagamye Rayon Sports banganya 0-0.

Imikino   Yanditswe na: 19 November 2017 Yasuwe: 1084

• Rayon Sports inganyije na Mukura VS 0-0
• Rayon Sports yazanye abakinnyi bake ku kibuga
• Lomami Marcel ntiyashoboye gutsinda umukino wa mbere nk’umutoza mukuru
• AS Kigali yatsinze bigoranye Sunrise 3-2 mu gihe Marines FC yatsinze Etincelles FC 2-1

Ikipe ya Rayon Sports inaniwe kwikura imbere y’ikipe ya Mukura VS kuko amakipe yombi anganyije 0-0 mu mukino w’imbaraga wabereye kuri stade ya Kicukiro.

Nyuma yo kubura umutoza wungirije Ndikumana Hamad Katauti ndetse na Karekezi Olivier uri mu maboko ya polisi kubera ibyaha ari gukurikiranwaho,Rayon Sports yatozwaga na Lomami Marcel yananiwe kubona amanota 3 imbere ya Mukura VS ku munsi wa 6 wa shampiyona.

Rayon Sports yari yabuze abakinnyi benshi aho yaje muri uyu mukino ifite abakinnyi 15 kubera ibibazo by’imvune ndetse na bamwe bahagaritswe ikaba ibashije kubona inota rimwe ryiyongereye kuri 7 yari ifite.

Abakinnyi ba Rayon Sports ntabwo babashije kugera ku ntego bari bihaye yo gutsinda uyu mukino bagatura intsinzi aba batoza babo bombi.

Abakinnyi babanjemo ku mpande zombi:
Rayon Sports:
Ndayishimiye Eric ’Bakame (C), Nyandwi Saddam, Rutanga Eric, Manzi Thierry, Mugabo Gabriel, Yannick Mukunzi, Niyonzima Olivier ’Sefu’, Nova Bayama, Kwizera Pierrot, Djabel Manishimwe na Caleb Bonfils Bimenyimana.

Mukura VS: Umar Rwabugiri, Hassan Rugirayabo, Ambroise Manirarora, Said Iragire, Nshimiyimana David, Nkomezi Alexis, Zagabe Jean Claude, Duhayindavyi Gael, Rashid Mutebi, Ndayegamiye Abou na Hakizimana Kevin.

Ku rundi ruhande ikipe ya AS Kigali bigoranye ibashije kubona amanota 3 nyuma yo gutsinda Sunrise ibitego 3-2, mu mukino wagaragayemo amahane menshi bitewe n’igitego cya gatatu cyemejwe n’umusifuzi mu gihe abakinnyi b’ikipe ya Sunrise bavugaga ko umukinnyi wa AS Kigali yagonze umunyezamu Habarurema Gahungu ,wahise ava mu kibuga kubera imvune.

Mu wundi mukino wabereye kuri stade Umuganda ikipe ya Marines FC yatsinze Etincelles FC ibitego 2-1 muri derby ya Kivu.Police FC yanganyije na Miloplast 1-1.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Alexis Sanchez yibasiriwe n’abafana ba Manchester United kubera igikorwa...

Rutahizamu w’ikipe ya Mancehester United Alexis Sanchez yibasiriwe n’abafana...
21 August 2018 Yasuwe: 1312 0

Inzu y’akataraboneka Rooney n’umuryango we bagiye kubamo muri USA yatangaje...

Umukinnyi w’Umwongereza Wayne Rooney agiye kugura inzu y’akataraboneka ku...
21 August 2018 Yasuwe: 1895 0

Kevin de Bruyne yavuze ukuntu Mourinho yatumye ava muri Chelsea...

Umukinnyi Kevin de Bruyne wafashije Manchester City kwegukana igikombe cya...
16 August 2018 Yasuwe: 2313 0

Antoine Griezmann yatunguye benshi kubera ibyo yakoreye Sergio Ramos...

Rutahizamu Antoine Griezmann w’ikipe ya Atletico Madrid yatunguye benshi...
16 August 2018 Yasuwe: 3872 0

Jose Mourinho yabwiye amagambo akomeye Paul Pogba

Umubano wa Jose Mourinho na Paul Pogba wongeye kuzamo agatotsi nyuma y’aho...
16 August 2018 Yasuwe: 2807 0

Mashami Vincent yagizwe umutoza mukuru w’Amavubi

Umutoza Mashami Vincent wari usanzwe ari umutoza wungirije mu Mavubi...
16 August 2018 Yasuwe: 1352 0