Kigali

Mukura VS yatakaje amafaranga menshi mu mikino nyafurika yabuze amafaranga yo guhemba abakinnyi

Imikino   Yanditswe na: Dusingizimana Remy 22 January 2019 Yasuwe: 2513

Abakinnyi ba Mukura VS bararira ayo kwarika kubera ko ikipe yabo yashoye amafaranga menshi mu mikino nyafurika ya CAF Conferations Cup, bikabaviramo kubura umushahara aho baheruka guhembwa muri Nzeri umwaka ushize.

Aba bakinnyi bamaze iminsi bitwara neza mu mikino nyafurika ya CAF Confederations Cup,batangarije Inyarwanda.com dukesha iyi nkuru ko bamaze amezi ane batabona umushahara w’ukwezi kuko ngo baheruka guhembwa muri Nzeli 2018.

Umwe yagize ati “Tumaze amezi ane tudahembwa. Ubu mba nibaza niba baratwambuye cyangwa se niba bazayaduha. Gusa icyo ntizeye ni uko bazayaduhera rimwe kuko ni menshi cyane. Ubu twarakennye, nta kintu batubwira nta n’umuyobozi mukuru tubona hafi ngo wenda aduhe icyizere.

Undi mukinnyi yavuze ko kubera kudahembwa mu mpera za 2018 byatumye awusoza nabi ndetse icyizere cyo guhembwa kimaze kuyoyoka kubera akayabo babarimo.

Yagize ati “Buriya twariye umwaka nabi kuko Noheli yageze tumaze amezi atatu nta mafaranga tubona. Umutoza wacu yakomeje kutwumvisha ko twamufasha tukitanga ikipe ikagera kure hashoboka, twarabikoze ariko ubona nta cyizere ko tuzabona amafaranga vuba”.

Nayandi Abraham visi perezida w’ikipe ya Mukura Victory Sport yemereye INYARWANDA ko iki kibazo gihari ariko ko nta buryo ikipe yari ifite yakwihuta mu kugicyemura bitewe n’ingendo bateguraga zo kwitabira imikino mpuzamahanga bitewe n’uko nta yandi bari bafite hafi.

Yagize ati “Uko ni ukuri kuko amafaranga twagombaga kubahemba niyo twakoreshaga tujya gukina imikino yo hanze kuko nta handi twari dufite twakura andi mafaranga. Ubu rero igisigaye tugomba gushakisha amafaranga yo kubahemba kandi ni ibintu byumvikana”.

Nayandi avuga ko mu gihe Mukura VS yari ikiri mu mikino Nyafurika, abakinnyi bahabwaga amafaranga yo kubafasha gucyemura bimwe mu bibazo byoroheje.

Iyi kipe iri mu bukene bukabije yatewe n’imikino nyafurika,ishobora kugorwa n’imikino ya shampiyona ifite ndetse bikayiviramo gutakaza igikombe,kuko abakinnyi basa n’abacitse integer kubera kudahembwa.

Mukura VS iri ku mwanya wa 3 muri shampiyona n’amanota 26, ifite ibirarane 5 yatewe n’imikino nyafurika iherutse gusezerwamo na Al Hilal Omdurman yayitsinze ibitego 3-1 mu mikino yombi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Rwose football yacu irababaje

    2 months ago
  • chat_bubble bobo

    Ahhh,ubwo shampiona bayibagirwe bazongere bategereze 20 ans. Ibyo muri foot yacu birasekeje gusa

    2 months ago
  • chat_bubble John Bandagure

    MVS yari iziko gusohoka ari ISHEMA!!! Ikipe isohotse ntigere mu matsinda biyitera igihombo mwa bagabo mwe keretse izo zikoresha budget ya Leta100%. Kdi nazi ziba zihombeje Leta.

    2 months ago

Inzindi nkuru

Pep Guardiola yihaye intego itangaje nyuma yo gusezererwa na Tottenham muri...

Umutoza wa Manchester City,Pep Guardiola,yatangaje ko yiteguye gutwara...
20 April 2019 Yasuwe: 2643 0

Ikipe Cristiano Ronaldo ashobora kwerekezamo nyuma ya Juventus...

Umukinnyi Cristiano Ronaldo wa Juventus ari mu gahinda gakomeye ko...
19 April 2019 Yasuwe: 5318 0

Rayon Sports yategewe amamiliyoni y’ama FRW kugira ngo itsinde APR...

Abakinnyi b’ikipe ya Rayon Sports bahawe intego y’ amamiliyoni n’ abantu ku...
19 April 2019 Yasuwe: 3363 0

Umukinnyi wa Arsenal yavuye mu kibuga ajya mu bwiherero umukino...

Myugariro w’ikipe ya Arsenal witwa Nacho Monreal yaciye ibintu ku mbuga...
19 April 2019 Yasuwe: 4642 0

Sarpong yatangaje amagambo akomeye yabwiwe kuri APR FC ahora azirikana...

Rutahizamu Micheal Sarpong yatangaje ko ahora yibuka ko uwamuzanye mu ikipe...
19 April 2019 Yasuwe: 3730 0

Arsenal na Chelsea zamaze gukatisha itike ya ½ cya UEFA Europa...

Amakipe 2 yo mu Bwongereza afite abakunzi benshi mu Rwanda,Arsenal na...
19 April 2019 Yasuwe: 1387 0