Kigali

Mukura VS yatsinze AS Kigali ihita ifata Rayon Sports

Imikino   Yanditswe na: Dusingizimana Remy 10 March 2019 Yasuwe: 2275

Ikipe ya Mukura VS yatsinze AS Kigali ibitego 2-1 iyisanze ku kibuga cyayo I Nyamirambo biyifasha gufata Rayon Sports iri ku mwanya wa kabiri yakoze amakosa kuwa Gatanu inganya na Bugesera FC igitego 1-1.

Mukura VS yafatiranyije AS Kigali yaherukaga gutsindwa na Etincelles FC igitego 1-0,iyikubita ibitego 2-1 ku mukino w’umunsi wa 20 wa shampiyona y’u Rwanda.
Mukura VS yafunguye amazamu ku munota wa 31 ku gitego cyatsinzwe na Munyakazi Yussuf uzwi nka Lule biyifasha kurangiza igice cya mbere iyoboye.

Ikipe ya AS Kigali ntiyabashije kwishyura iki gitego cya Mukura VS kuko yaje gutsindwa igitego cya kabiri,ku munota wa 63, na Iradukunda Jean Bertrand uhagaze neza cyane bituma icyizere cyo kwitwara neza muri uyu mukino kiyoyoka.

AS Kigali yabonye igitego mu minota ya nyuma y’umukino cyatsinzwe na Ssentogo Saifi uzwi nka Ruhinda kitagize icyo kiyimarira kuko umukino warangiye Mukura VS itsinze ibitego 2-1.

Ku rundi ruhande Musanze FC iherutse guhagarika umutoza wayo Ruremesha Emmanuel,yatsinze Police FC nayo yahagaritse umutoza wayo Mphande kubera imyitwarire mibi, ibitego 2-0.

Mukura VS yahise inganya amanota 44 na Rayon Sports ya kabiri,mu gihe APR FC yatsinze Etincelles FC igitego 1-0 iyoboye shampiyona n’amanota 48.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yamaze gutangaza abakinnyi 11 barayifasha guhangana na Al...

Harabura amasaha make ngo Rayon Sports icakirane na Al Hilal mu mukino wo...
25 August 2019 Yasuwe: 2748 1

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 3077 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 3552 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 3055 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 3939 0

Premier League: Lampard yabonye amanota 3 ya mbere,Manchester United na...

Umutoza mushya wa Chelsea FC,Frank Lampard,yabonye amanota 3 ya mbere nyuma...
24 August 2019 Yasuwe: 2233 0