Ku munsi w’ejo nibwo twabagejejeho inkuru yavugaga ko ikipe ya Rayon Sports ishobora kuba yumvikanye na Mukura VS ku igurwa ry’umukinnyi Niyonzima Ally ndetse mu bwumvikane bwabo hakaba harimo ko ikipe ya Rayon Sports yemeye gutiza Mukura abakinnyi 5 barimo Bashunga Abouba, Senyange Yvan, Frank Lomami, Yves Rwigema na Niyigena Moise gusa aya makuru yahakanwe n’umunyamabanga w’iyi kipe,nubwo Rayon Sports yamushyize ku rutonde yasohoye ejo rw’abakinnyi izifashisha umwaka w’imikino utaha.
Mu (...)

Sponsored Ad

Ku munsi w’ejo nibwo twabagejejeho inkuru yavugaga ko ikipe ya Rayon Sports ishobora kuba yumvikanye na Mukura VS ku igurwa ry’umukinnyi Niyonzima Ally ndetse mu bwumvikane bwabo hakaba harimo ko ikipe ya Rayon Sports yemeye gutiza Mukura abakinnyi 5 barimo Bashunga Abouba, Senyange Yvan, Frank Lomami, Yves Rwigema na Niyigena Moise gusa aya makuru yahakanwe n’umunyamabanga w’iyi kipe,nubwo Rayon Sports yamushyize ku rutonde yasohoye ejo rw’abakinnyi izifashisha umwaka w’imikino utaha.

Mu kiganiro yagiranye na Radio 10 ku munsi w’ejo Niyobuhungiro Fidele umunyamabanga mukuru wa Mukura VS yatangaje ko ayo makuru ari ibihuha ndetse ko Mukura VS itigeze ivugana na Rayon Sports ku byo gutizwa abakinnyi.

Yagize ati “Rayon Sports ntabwo yigeze itubwira ko ikeneye Ally Niyonzima kandi Niyonzima ni umukinnyi wacu ukidufitiye amasezerano gusa tuzi ko impamvu akorera imyitozo muri Rayon Sports ari uko twe tutaratangira imyitozo, twiteze ko nituyitangira azagaruka mu ikipe.Twe nkaMukura VS twaricaye dukora urutonde rw’abakinnyi twifuza kandi mubo twifuza nta n’umwe mu bo Rayon Sports yarekuye urimo.”

Uyu muyobozi yavuze ko ikipe ya Mukura VS yiteguye gutangira imyitozo ku wa Mbere ku italiki ya 28 Kanama 2017 aho biteze kuzabona abakinnyi bose b’iyi kipe ndetse na Niyonzima Ally.

Amakuru agera ku Umuryango ni uko uyu musore atifuza kugaruka muri Mukura ndetse ko ibye birasobanuka uyu munsi aho ndetse bivugwa ko ashobora kwerekeza muri AS Kigali gusa uyu munyamabanga wa Mukura yavuze ko atigeze abona urutonde rw’abakinnyi Rayon Sports yashyize ahagaragara izakoresha umwaka w’imikino utaha gusa avuga ko iyi kipe itakora ikosa ryo kwiyitirira umukinnyi utari uwayo.