Kigali

Munyakazi Sadate yatangaje imigabo n’imigambi afitiye Rayon Sports mu myaka 2 agiye kuyiyobora

Imikino   Yanditswe na: Dusingizimana Remy 15 July 2019 Yasuwe: 2117

Perezida mushya wa Rayon Sports,Munyakazi Sadate w’imyaka 38 yatangaje byinshi yiteguye kugeza kuri iyi kipe ifite abafana benshi mu Rwanda birimo kuyiha gahunda ihamye mu nzego zitandukanye no kuyigeza mu mikino ya ½ cy’irangiza cy’imikino nyafurika.

Munyakazi yabwiye abanyamakuru ko komite icyuye igihe yari iyobowe na Muvunyi Paul yakoze akazi kenshi ndetse ngo bageze kuri 90 ku ijana y’ibyo bakoze ariyo mpamvu ngo agiye gufatanya na bagenzi be kugira ngo agire iyi kipe igihangange.

Yagize ati “Hari inshingano nini kandi zitoroshye ariko ubuyobozi bwose butangwa n’Imana hamwe nayo byose bizashoboka.Nishimiye inshingano nahawe kandi nazakiriye.

Nahawe inama n’abantu benshi ariko icyo abakunzi ba Rayon Sports bifuza ni ugukora uburyo bufatika bw’imicungira ya buri munsi y’ikipe.Uburyo bw’amafaranga akoreshwa buri munsi bukitabwaho,imiyoborere nayo ikitabwaho cyane kugira ngo mu minsi iri imbere izabe ari ikigo gikomeye kandi gifite ubuyobozi bwo ku rwego rwo hejuru. Igikombe cyo sinavuga ngo nzacyegukana ahubwo nzakirinda, mu marushanwa Nyafurika ngere muri ½”.

Abayobozi bari bariho ugiye gukora ijanisha ritoya wasanga baratwaye ibikombe,bahagarariye igihugu bagera muri ¼ cy’irangiza muri Confederations Cup.Ibyo byose n’ibikorwa mu Rwanda hose tutari twarigeze tubona.Bafite amanota ari hejuru ya 90 ku ijana.

Munyakazi Sadate w’imyaka 38, ni umugabo wubatswe ufite umugore n’ abana 5.Afite impamyabumenyi 2 muri Kaminuza zirimo iy’icungamutungo ndetse n’ubwubatsi. Ni inararibonye mu kuyobora bitewe n’inzego yagiye ayobora yaba muri Leta no mu bigo byigenga.

Munyakazi yavuze ko yakuze azi Rayon Sports gusa kuko yayikuriyemo ndetse ayobora ihuriro ry’abafana.Yari umujyanama wa Komite icyuye igihe ndetse niwe wazanye umushinga wa Gikundiro Stadium wo gufasha Rayon Sports ikazabasha kwiyubakira stade yayo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 1343 1

Abakinnyi 30 bazavamo uwegukana Ballon d’Or bamaze kumenyekana

Muri uyu mugoroba wo kuri uyu wa Mbere taliki ya 21 Ukwakira...
21 October 2019 Yasuwe: 1451 0

Umugabo wagenderaga mu mutaka yaparitse mu kibuga rwagati ahagarika umukino...

Umugabo utavuzwe amazina yakoze amahano amanukira mu mutaka [parachute]...
21 October 2019 Yasuwe: 3363 0

Musanze FC yahaye umutoza wayo umukoro ukomeye kugira ngo atabare akazi ke...

Umutoza wa Musanze FC Amars Niyongabo yabwiwe ko natabona amanota 7 mu...
21 October 2019 Yasuwe: 1110 0

Rayon Sports yahanitse ibiciro byo kwinjira ku mukino izakiramo Bugesera...

Ikipe ya Rayon Sports yamaze gushyira ahagaragara ibiciro byo kwinjira ku...
21 October 2019 Yasuwe: 2467 1

Sugira Ernest yatangaje impamvu yitwara neza mu ikipe y’igihugu kurusha muri...

Rutahizamu Sugira Ernest ukomeje kwigarurira imitima y’abakunzi ba ruhago...
21 October 2019 Yasuwe: 2336 0