Kigali

Munyaneza Didier yanikiriye bagenzi be i Rubavu yiyemeza kwegukana Tour du Rwanda 2018

Imikino   Yanditswe na: Dusingizimana Remy 22 July 2018 Yasuwe: 368

Munyaneza Didier ukina umukino wo gusiganwa ku magare yongeye kwereka abanyarwanda ko atakiri umwana ubwo yegukanaga agace ka kabiri k’isiganwa ritegura ‘Tour du Rwanda 2018’ kavaga i Karongi kerekeza i Rubavu ku ntera y’ibilometero 95.1.

Munyaneza ukomeje kubica bigacika yatsinze Nsengimana Jean Bosco watwaye agace ka mbere ku munsi w’ejo na Byukusenge Patrick bakinana muri Benediction ahita atangaza ko nta kabuza azajya muri Tour du Rwanda ashaka kuyitwara.

Uko abakinnyi bakurikiranye

Munyaneza Didier yakoresheje amasaha 2 iminota 33 n’amasegonda 41 bituma akomeza kwandika amateka mu mukino wo gusiganwa ku magare mu Rwanda.

Munyaneza uzwi nka Mbappe yatwaye ibihembo bitandukanye mu gace k’uyu munsi birimo icy’umukinnyi ukiri muto witwaye neza ndetse n’icy’uwatsinze isiganwa muri rusange, ahita atangariza abanyamakuru ko ku munsi w’ejo yababajwe no kurangiza ari uwa kabiri ubwo bavaga i Musanze bajya i Karongi ahita ahiga ko uyu munsi agomba gutsinda kandi yabigezeho.

Yagize ati “Ndishimye cyane kuko ejo nabaye uwa kabiri niha intego ko uyu munsi ngomba gutsinda none ndabikoze. Isiganwa ryari rikomeye kuko n’ubwo ari ibirometero bike ariko ni imihanda igoye cyane irimo amakoni menshi, ugenda umanuka uzamuka kandi hari umuyaga mwinshi.”

Ababijwe niba uko yitwaye uyu mwaka bimuha icyizere ko yanegukana Tour du Rwanda yagize ati “Mfite imbaraga, nifitiye icyizere kandi muzi ko uramutse utigiriye icyizere nta kintu wageraho mu buzima. Gutwara na Tour birashoboka ariko byose bizaterwa n’uko nzaba meze neza.”

Munyaneza w’imyaka 20 wazamukiye mu ikipe ya Benediction y’i Rubavu ari nayo akinira ubu, yatoranyijwe kujya mu bakinnyi 20 bazavamo abasaserukira igihugu muri Tour du Rwanda izatangira tariki 5 Kanama irangire tariki 12 Kanama 2018 nyuma yo kwigaragaza cyane haba muri Rwanda Cycling Cup n’amasiganwa yo hanze nka La Tropical Amissa Bongo na Tour de l’Espoir.

Nsengimana Jean Bosco niwe wegukanye agace ka mbere k’isiganwa ry’amagare ritegura Tour du Rwanda 2018’ kabaye ku munsi w’ejo, aho abakinnyi bavaga i Musanze berekeza i Karongi ku ntera y’ibirometero akoresheje 3h43’00”.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Atletico Madrid yatsinze Juventus yibikira impamba ikomeye ishobora...

Ikipe ya Atletico iri mu nzira nziza yo kwerekeza mu mikino ya ¼ cy’irangiza...
21 February 2019 Yasuwe: 179 0

Umukinnyi Dele Alli yabenze umukunzi we mu ibanga amusimbuza uwo bahuriye...

Umwongereza Dele Alli ukinira ikipe ya Tottenham yabenze umukunzi we Ruby...
20 February 2019 Yasuwe: 2539 0

Jules Ulimwengu yavuze byinshi ku rugendo rwe muri Rayon Sports n’umukinnyi...

Rutahizamu mushya wa Rayon Sports watangiye kwigarurira abafana kubera...
20 February 2019 Yasuwe: 2886 0

FERWAFA yakuriye inzira ku murima ikipe ya Mukura VS yashakaga ko umukino...

FERWAFA yamaze kwandikira Mukura VS iyimenyesha ko icyifuzo cyayo cy’uko...
20 February 2019 Yasuwe: 1273 0

Jurgen Klopp yateranye amagambo n’umutoza wa Bayern Munich nyuma yo...

Umutoza wa Livepool,Jurgen Klopp yagaragaye ari gushwana n’umutoza wa Bayern...
20 February 2019 Yasuwe: 1528 0

Neymar Jr yateye benshi agahinda kubera ubuzima bubabaje yaciyemo nyuma yo...

Rutahizamu wa PSG,Neymar Jr yatangaje ko nyuma yo kuvunika ukuguru kwe mu...
20 February 2019 Yasuwe: 2460 0