Kigali

Murenzi Abdallah yatumije inama yo guhosha amakimbirane ari muri Rayon Sports

Imikino   Yanditswe na: 23 July 2017 Yasuwe: 5852

Amakuru agera ku kinyamakuru Umuryango aravuga ko uwahoze ari umuyobozi wa Rayon Sports na mayor w’akarere ka Nyanza Murenzi Abdallah na Mugenzi we Hadji basanzwe ari abafana bakomeye b’ikipe ya Rayon Sports, kuri uyu munsi taliki ya 23 Nyakanga batumije inama irahuriramo abagize ubuyobozi bwa Rayon sports FC, Boad n’umuryango mu rwego rwo guhosha amakimbirane yavutse hagati y’izi nzego zose nyuma yo gutangaza isinya ry’umutoza Olivier Karekezi.

Ikibazo cyo kutavuga rumwe kw’izi nzego z’imiyoborere cyatangiye ubwo umuyobozi wa Rayon Sports FC ishinzwe ubuzima bwa buri munsi bw’ikipe ya Rayon Sports Gacinya Dennis, yatangarije kuri Radio 10 ku wa kane taliki ya 21 Nyakanga ko bamaze gusinyisha umutoza Olivier Karekezi amasezerano y’imyaka 2 kugira ngo aze gusimbura Masudi Djuma weguye ku italiki ya 08 z’uku kwezi ku mpamvu ze bwite.

Icyababaje Umuryango wa Rayon Sports ndetse bashinja komite ya FC ni uko ngo bafashe uyu mwanzuro wo gushyiraho uyu mutoza batabanje kubaganiriza ndetse bakanabikora rwihishwa ibintu bafashe nk’agasuzuguro ndetse mu masaha ya nyuma ya saa sita ku munsi w’ejo bashyize hanze itangazo rigenewe abanyamakuru rivuga ko nta mutoza Rayon Sports ifite ndetse ko umwanya wo guhatanira gutoza iyi kipe uri ku isoko ababishaka batangira kwandika amabaruwa basaba gutoza iyi kipe.

Iyi nama iraba uyu munsi ndetse irayoborwa n’aba bagabo bombi irasuzumirwamo ibintu 5 birimo : kwemeza ko Karekezi Olivier n’abo yasabye ngo bamwungirize bagomba kuba abatoza ba Rayon Sports mu myaka 2 iri imbere,guha uburenganzira abayobozi ba FC kurambagiza ndetse no guha akazi abakinnyi n’abatoza hanyuma bagaha raporo Umuryango,kurebera hamwe aho ikipe igeze yiyubaka n’intego z’umwaka utaha, gushyiraho italiki y’inteko rusange ndetse no kwemeza igihe ikipe izatangirira umwhiherero.

Ukutumvikana kw’abayobozi ba Rayon Sports kumaze gufata indi ntera aho benshi mu bakunzi ba Rayon Sports Ikinyamakuru Umuryango cyaganiriye nabo badutangarije ko barambiwe izi mpaka z’urudaca zivuka iyo ikipe imeze neza ndetse basaba ubuyobozi bwa Rayon Sports kwicara bakiga neza iki kibazo ntikizongere kuba ukundi.

Ibitecyerezo

  • Log in

    Amategeko n'amabwiriza birkurikizwa


  • chat_bubble nahayo

    muhumure mayor arahari arabikemura.Ni inraribonye mu miyoborere myiza.

    July 2017
  • chat_bubble

    RWOSE NIMUSHYIRE HAMWE MWUMVIKANE AYO MAKIMBIRANE ARANGIRE MURI RAYON YACU.

    July 2017
  • chat_bubble PM

    Ariko iyi equipe yabuze umuherwe uyigura kweli! Kuko hari abantu bumva ko ari umutungo wabo. Enough is enough kabisa.. uku ni ukugaragaza ubuswa buvanze nubujiji mumaso yabantu bayikurikirana kdi bayikunda. Nibarekere comite ya FC iyobore equipe bareke kuyivangira nibananirwa nibo bazabibazwa. Ariko solution irambye nihagire umugwizamutungo uyigura kdi yakunguka ntiyahomba...

    July 2017
  • chat_bubble jerome

    murenzi turamwemera kd azi ubuyobizi buriya araberka ukuri ubundi bareke twikomereze ibyishimo

    July 2017
  • chat_bubble jshsjsjsj

    Ntabwo byumvikana ukuntu ikipe imwe igira komite zirenga eshatu kandi ngo z’abakorerabushake da! Ngo board, Komite y’umuryango iya fc iy’abafana. Kandi ngo bose badahembwa? Bige ukuntu hadigaraho komite imwe, noneho hajyeho managers uhembwa, ukora nka Gitifu w’Akarere. maze muzarebe ko ibintu bitajya mu buryo. Aba basaza barayuvangira kbs. tuve mu buconservateri turebe imbere. Murenzi abafashe kbs niwe rayon isigaranye.

    July 2017
  • chat_bubble Ndayisenga gady

    Birababaje nikuki bigira nkabona bato Rayon Sports yarimaze imisi ihagaze neza non mugire muyisubize inyuma nimwibuke ahomuvuye mutekereze iyo tunjya nishingano mufite mureke gutumwanya mubidafite umumaro nimunvikane mwubake umuryango wa Rayon nkuko muyikunda ntimutume abacyeba batwishimaho nimukorerehamwe nkabagabo kuko arumugabo ntihanfa uwundi

    July 2017
  • chat_bubble

    ariko koko batubabariye .ahubwo se
    murenzi yadufashije akayiyobora cyangwa .

    July 2017

Inzindi nkuru

Minnaert ushobora kugirwa umujyanama wa Karekezi arafatwa nk’intwaro ije...

Kuri uyu wa Gatanu taliki ya 16 Gashyantare 2017, nibwo byavuzwe na benshi...
17 February 2018 Yasuwe: 990 0

Conte yavuze ku mukino uzamuhuza na FC Barcelona muri UEFA Champions...

Umutoza Antonio Conte yatangaje ko imikino 2 yikurikiranyije batsinze...
17 February 2018 Yasuwe: 1044 0

Umukinnyi wa filimi z’urukozasoni yiyemeje kwishyurira umwenda ikipe...

Icyamamare mu gukina filimi z’urukozasoni Amandha Fox yatangaje ko yifuza...
17 February 2018 Yasuwe: 1794 0

Rutanga yahawe izina rishya mu idini ry’umukobwa agiye kurongora

Umukinyi Rutanga Eric wa Rayon Sports yafashe umwanzuro wo guhindura idini...
16 February 2018 Yasuwe: 3850 0

Abagore b’abakinnyi ba PSG bibasiriye umutoza Unai Emery

Umugore w’umukinnyi Angel Di Maria witwa Jorgelina Cardoso na Isabele da...
16 February 2018 Yasuwe: 1524 0

Benshi batangariye Inzu y’akataraboneka Aubameyang yaguze [AMAFOTO]

Mu gihe kitageze ku kwezi rutahizamu Pierre Emerick Aubameyang ageze mu...
16 February 2018 Yasuwe: 3567 1