Kigali

Murenzi wahoze ayobora Rayon Sports yahakanye ibyo kwiyamamariza kuyobora FERWAFA

Imikino   Yanditswe na: 11 July 2017 Yasuwe: 485

Uwahoze ari umuyobozi w’akarere ka Nyanza ndetse na Perezida wa Rayon Sports Murenzi Abdallah wifuzwaga n’abashaka impinduka mu mupira w’amaguru mu Rwanda ko bamutangaho umukandida wo guhangana na Nzamwita Vincent de Gaulle mu matora yo kuyobora FERWAFA yahakanye ko atiteguye gutanga ubusabe bwo kwiyamamariza kuyobora iri shyirahamwe, cyane ko abasaba kwiyamamariza kuriyobora batangiye gutanga ubusabe bwabo kuva ku munsi w’ejo taliki ya 10 Nyakanga .

Nyuma yo kubisabwa n’abo muri iri tsinda barimo na Rayon Sports yabereye umuyobozi akayifasha gutwara igikombe cya shampiyona 2013, yabasabye icyumweru kimwe cyo kubyigaho ndetse no kureba ibyo azakora naramuka atowe gusa byarangiye abakuriye inzira ku murima atangaza ko atacyiyamamaje.

Mu kiganiro Murenzi yagiranye n’ikinyamakuru Imvaho Nshya dukesha iyi nkuru kuri uyu wa Mbere tariki 10 Nyakanga 2017,yabwiye Imvaho Nshya ko atakiyamamaje ku mpamvu z’imirimo myinshi afite irimo kwita ubucuruzi bwe.

Yagize ati “Nasanze ntiteguye ndabizi bizaca intege benshi ariko bagomba kunyumva. Mfite akazi kenshi, ubu nabonye abantu b’abafatanyabikorwa tuzajya dukorana bo hanze, bifuza kunyongerera imbaraga tugakorana kuko bashaka gushora imari mu Rwanda. Nta bwo byankundira kuko ntiteguye kwiteshya aya mahirwe kandi murabizi ko kuba muri federasiyo ugomba kuba uhari buri gihe kubera ibibazo bihora mu mupira’’.

Kugeza ubu iri tsinda ry’abashaka impinduka mu mupira w’amaguru riracyakora ibiganiro ku bijyanye n’icyakorwa kugira ngo umupira w’amaguru utere imbere aho ryiteguye gushaka umukandida wo gusimbura uyu Murenzi Abdallah utakibonetse.

Ku bijyanye n’amatora komisiyo itegura amatora muri FERWAFA iratangaza ko kuva taliki 10 Nyakanga 2017 kugeza ku ya 15 Nyakanga 2017 hatangiye kwakirwa kandidature z’abifuza kwiyamamaza aho abazaba bemerewe bazatangazwa tariki 05 Kanama 2017.Ibikorwa cyo kwiyamamaza bizatangira kuva tariki 14 Kanama 2017 kugeza ku ya 09 Nzeli amatora abe taliki ya 10 Nzeri uyu mwaka.

Ibitecyerezo

  • Log in

    Amategeko n'amabwiriza birkurikizwa


  • chat_bubble Sadu

    Iterambere, ibyishimo, umutekano twishimira ubu n’abantu baretse inyungu zabo bwite bafata ibyemezo bamwe bitwa abasazi ariko ubu tukaba tuzirikana ubwo butwari
    Bwana Murenzi ko mbona wizeye wabaye intwari ukereka izo nyungu zawe bwite tukaza kwibukira kuri iyo neza n’abaza dukomokaho bakazasanga hari icyo wakoreye umupira w’amaguru? kuvuga biroroha erega.
    Iryo tsinda naryo nkwijeje ko naryo ubwaryo rizavukamo andi matsinda.
    Courage mu mirimo yawe gusa icyo mbona nawe ntiwiyizeye.....kuko nawe iyo uba wiyizeye wari kwemera ibyo unenga ukazana ibyishimo tukazasiga tuvuga n’abazadukomokaho ngo habaye umugabo dukesha impunduka muri football

    July 2017
  • chat_bubble lionel

    Eee Fubu wimucececyesha mu Rwanda hari undi muntu cg urundi rwego rutazwi ruyobora Ferwafa, nushaka ubyite System rero recyera aho

    July 2017
  • chat_bubble fubu

    Ariko wowe mmm wagiye uvuga ibyo uzi ukareka kubeshya abantu. Wagiye uvuga ibijyanye nurwego rwawe. Abo uvuga bohejuru ni bande?

    July 2017
  • chat_bubble mmm

    hano mu Rwanda ntamatora ahaba, haba kunoma gusa, buriya yabimenye kare akuramo ake karenge. buriya abo hejuru hari uwo bashaka ko ayobora FERWAFA bitewe nuburyo bapasura kubyo FIFA iba yatanze.

    July 2017

Inzindi nkuru

Kwitwara neza kwa Areruya kwamufashije kwigaranzura ibihangange ku isi mu...

Areruya Joseph umaze iminsi yesa imihigo hirya no hino muri...
21 February 2018 Yasuwe: 628 0

Karekezi yatangaje amayeri ari bumufashe gusezerera LLB

Umutoza w’ikipe ya Rayon Sports Karekezi Olivier yatangaje ko ku mukino...
21 February 2018 Yasuwe: 2095 1

Kwizera Pierrot arayobora bagenzi be mu mukino wo gupfa no gukira

Kabuhariwe Kwizera Pierrot yahawe ububasha bwo kuyobora bagenzi be mu...
21 February 2018 Yasuwe: 1211 0

Imyanzuro ya FIFA ishobora gutera u Rwanda igihombo gikomeye

Impuzamashyirahamwe y’umupira w’amaguru ku isi FIFA yihanije igihugu cya...
21 February 2018 Yasuwe: 2940 0

Messi yakuyeho agahigo kabi yari afite kuri Chelsea FC

Rutahizamu Lionel Messi yakuyeho agahigo kabi yari afite ko kumara iminota...
21 February 2018 Yasuwe: 834 0

APR FC itsindiye Anse Reunion mu rugo ishimangira guhura na...

Ikipe ya APR FC itsindiye ikipe ya Anse Reunion iwayo muri Seychelles...
20 February 2018 Yasuwe: 1165 0