Ikipe ya Musanze FC itsinze Kiyovu Sports ibitego 2-1 mu mukino w’umunsi wa 16 wa shampiyona wabereye mu majyaruguru y’u Rwanda.

Sponsored Ad

Kiyovu Sports yifuzaga kurara ku mwanya wa mbere,ntiyahiriwe n’umukino wa mbere wo kishyura muri shampiyona y’u Rwanda kuko imaze gutsindwa na Musanze FC ibitego 2-1 byose byatsinzwe na Bokota Labama mu gihe igitego kimwe rukumbi cya Kiyovu cyatsinzwe na Nganou.

Ikipe ya Kiyovu Sports yarangije umukino ari abakinnyi 10 kuko umunyezamu wayo Ndoli jean Claude yahawe ikarita itukura.

Ku rundi ruhande, ikipe ya Mukura VS iri mu bihe byiza muri iyi minsi yanyagiye Kirehe FC ibitego 4-0 byatsinzwe na Mutebi Rachid watsinze 2,ibindi byinjizwa na Ibrahim ndetse na Christophe.

Umukino wagombaga guhuza Police FC na Etincelles ku Kicukiro wasubitswe kubera imvura nyinshi yaguye muri Kigali,ikibuga kikuzura amazi.

Rayon Sports niyo ikiyoboye urutonde rwa shampiyona n’amanota 30 nubwo itazakina muri iyi weekend kubera iri kwitegura kwerekeza I Maputo gukina umukino wo kwishyura na Costa do Sol.

Rayon Sports izakina na AS Kigali bikurikiranye ku rutonde rwa shampiyona ku wa 25 Mata 2018 aho ikipe ya APR FC nitsinda ku munsi w’ejo izahita ifata umwanya wa mbere by’agateganyo n’amanota 31.

Uko imikino y’uyu munsi yagenze :
Espoir Fc 1-1 Gicumbi Fc
Mukura VS 4-0 Kirehe Fc
Amagaju Fc 0-1 Bugesera Fc
Musanze Fc 2-1 SC Kiyovu Sports
Police Fc vs Etincelles Fc (wasubitswe)

Ku Cyumweru
Sunrise Fc vs APR Fc (Nyagatare)
Marines Fc vs Miroplast Fc (Stade Umuganda)