Kigali

Mwiseneza Djamal yatoje Rayon Sports inyagira Police FC mu guhatanira umwanya wa gatatu w’igikombe cy’Amahoro

Imikino   Yanditswe na: Dusingizimana Remy 3 July 2019 Yasuwe: 5590

Rayon Sports itarabashije kugera ku mukino wa nyuma w’igikombe cy’Amahoro,ihojeje amarira abakunzi bayo ubwo yatsindaga Police FC ibitego 3-1,mu mukino wo guhatanira umwanya wa gatatu w’igikombe cy’Amahoro watojwe n’umutoza Mwiseneza Djamal.

Mwiseneza Djamal wari usanzwe ari umutoza wa 3 ndetse atanavugwa,yafashije Rayon Sports kwihaniza Police FC mu mukino wo guhatanira umwanya wa gatatu w’igikombe cy’Amahoro wabaye kuri uyu wa Gatatu kuri stade ya Kigali I Nyamirambo.

Rayon Sports yari ifite abasimbura batatu barimo Mugheni Fabrice, Tuyishimire Eric ’Congolais’ na Mazimpaka Andre,yafunguye amazamu ku munota wa 10 w’umukino ku gitego cyatsinzwe na kabuhariwe Jules Ulimwengu.

Ubwo yatsindaga iki gitego,Ulimwengu yagonze umunyezamu Bwanakweli wa Police FC aramubabaza cyane,bimuviramo imvune yatumye ahita asimburwa na Maniraguha Hillaire.

Police FC yari yatangiye ikanga Rayon Sports yakinnye ifite myugariro umwe wo hagati Habimana Hussein,yahushije ibitego ubwo yageragezaga kwishyura iki gitego yatsinzwe.

Mu gihe Police FC yari ishaka kwishyura,yakubiswe igitego cya kabiri ku munota wa 34 gitsinzwe na Kabuhariwe Jules Ulimwengu wahise wuzuza ibitego 7 muri iri rushanwa azanasoza ayoboye ba rutahizamu.Rayon Sports yarangije igice cya mbere iyoboye n’ibitego 2-0.

Ku munota wa 55,Rayon Sports yakinanaga ishyaka nubwo itari ifite abakinnyi bayo benshi bakomeye barimo Sarpong wahawe umutuku n’abandi berekeje muri APR FC,yatsinze igitego cya gatatu ariko umusifuzi avuga ko Mudeyi wagitsinze yari yaraririye.

Ku munota wa 89 Nyandwi Saddam yashimangiye intsinzi ya Rayon Sports ayitsindira igitego cya gatatu nyuma yo kwiruka agasiga ba myugariro barimo Nsabiamana Aimable.

Police FC yabonye igitego cy’impozamarira ku munota wa 3 w’inyongera gitsinzwe na Muvandimwe JMV kuri coup Franc.

Rayon Sports yiyunze n’abafana bayo nyuma yo gusezererwa muri ½ na AS Kigali kuri penaliti 4-2 mu gihe Police FC yasezerewe na Kiyovu ku bitego byo hanze nubeo mu mikino yombi banganyije ibitego 4-4.

Abafana ba Rayon Sports bashimishijwe n’uko ikipe yabo yatsinze itozwa n’umutoza Mwiseneza Djamal usanzwe yongerera abakinnyi ingufu nyuma yo kugenda kwa Robertinho n’umwungiriza we Wagner Nascimento ntabashe kumvikana n’ubuyobozi.

Abakinnyi babanje mu kibuga ku mpande zombi:

Rayon Sports: Bikorimana Gerard, Iradukunda Eric, Nyandwi Saddam, Bukuru Christophe, Tumushime Altjan, Habimana Hussein, Donkor Prosper, Ulimwengu Jules, Rutanga Eric, Mugisha Gilbert na Mudeyi Suleiman.

Police FC: Bwanakweri Emmanuel, Ngendahimana Eric, Mpozembizi Mohamed, Ndayishimiye Celestin, Hakizimana Issa, Nsabimana Aimable, Usabimana Olivier, Ndayisaba Hamidou, Songa Isaie, Uwimbabazi Jean Paul na Ndayishimiye Antoine Dominique.



Mwiseneza Djamal yafashije Rayon Sports yaburaga abakinnyi benshi gutsinda Police

AMAFOTO: IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kirasa Alain yamaze kugirwa umutoza wungirije wa Rayon Sports

Umutoza Kirasa Alain wari umaze igihe atoza ikipe ya Kiyovu Sports yamaze...
23 July 2019 Yasuwe: 1344 0

Ulimwengu yavuze ku makuru avuga ko agiye kwerekeza mu ikipe ya APR...

Bimaze iminsi bivugwa ko APR FC ikataje mu rugamba rwo gushaka rutahizamu...
23 July 2019 Yasuwe: 2246 2

Zidane yatangaje ukuntu Gareth Bale aherutse kumusuzugura

Umutoza wa Real Madrid,Zinedine Zidane yatangaje ko umunya Wales Gareth...
23 July 2019 Yasuwe: 2043 0

Ikarita y’itora ntabwo izongera gukenerwa mu matora ari imbere mu...

Abadepite baraye batoye itegeko ngenga rigenga amatora,ryavanyeho ikarita...
23 July 2019 Yasuwe: 796 0

Antoine Griezmann yatangaje umukinnyi umwe rukumbi ukina muri Premier...

Rutahizamu mushya wa FC Barcelona, Antoine Griezmann yatangaje ko yishimiye...
22 July 2019 Yasuwe: 4096 0

CAF yashyize hanze ikipe y’irushanwa rya CAN 2019 yiganjemo abakinnyi...

Impuzamashyirahamwe y’umupira w’amaguru muri Afurika CAF yashyize hanze...
22 July 2019 Yasuwe: 2746 0