Kigali

Myugariro wa Liverpool yanditswe mu gitabo cy’abakoze ibintu bidasanzwe ku isi

Imikino   Yanditswe na: Martin Munezero 17 October 2019 Yasuwe: 1832

Myugariro wa Liverpool Trent Alexander-Arnold ukomoka mu guhugu cy’Ubwongeleza yanditswe mu gitabo cy’abakoze ibintu bidasanzwe ku isi, Guinness des Records.



Uyu mukinnyi yashyizwe muri iki gitabo, nyuma yo gutanga imipira yavuyemo ibitego 12 mu mwaka umwe wa Shampiyona y’Abongereza ya 2018/2019, akabikora kandi akina nka myugariro.

Bitewe n’umwanya ba myugaruro bakinaho mu kibuga, biragoye cyane ko abona amahirwe yo gutsinda ibitego cyangwa ngo batange imipira ivamo ibitego kuko usanga akazi kabo ari ukurinda imipira isatira izamu.

Alexander-Arnold w’imyaka 21 yanditse amateka yo kuzuza 12 byahise binatuma aca kuri Leighton Baines watanze imipira yavuyemo ibitego 11 mu mwaka w’imikino wa 2010/2011 ndetse na Andy Hinchcliffe wabikoze mu 1994/95. Aba bombi bakaba barabikoreye mu ikipe ya Everton.

Nyuma yo kwandikwa mu gitabo cy’abahize abandi ku Isi, yatangaje ko ari ibihe bidasanzwe kuri we n’umuryango we, anavuga ko uruhare runini rwagizwe n’abakinnyi bagenzi be, umutoza n’abafana.

Ati” Ibi byakozwe n’abasore bashyiraga umupira mu rucundura kuko umupira w’amaguru ni umukino ukinwa ku bufatanye. Iyo ntaza kugira abakinnyi bamfasha, umutoza n’abafana baba baturi inyuma, sinari kugera kuri aka gahigo.”

Trent Alexander-Arnold yakomeje avuga ko ubwo yari akiri muto yakundaga gusoma igitabo cya ‘Guiness des Records’ none kuri ubu akaba ashimishijwe no kubona izina rye ricyanditsemo.

Alexander-Arnold yabaye umukinnyi muto wabashije gutanga imipira itatu yavuyemo ibitego mu mukino umwe, ibi akaba yarabikoze mu mwaka ushize wa Shampiyona y’Abongereza ubwo Liverpool yakinaga na Watford.

Alexander Trent-Arnold ni umwe mu bakinnyi b’inkingi za mwamba bafashije Liverpool kwegukana igikombe UEFA Champions League mu mwaka ushize w’imikino.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Myugariro Bayisenge ntabwo azakina umukino wa Mozambique [AMAKURU ARI MU...

Myugariro w’amavubi Bayisenge Emery ntabwo azakina umukino wa Mozambike kuri...
13 November 2019 Yasuwe: 748 0

Ikipe Pep Guardiola ashobora kwerekezamo mu mpeshi yateje impamka hirya no...

Umutoza wa Manchester City,Pep Guardiola, umaze kuyihesha ibikombe byinshi...
13 November 2019 Yasuwe: 1789 0

Umwe mu bakinnyi b’ikipe ya Manchester United yatangaje ko akumbuye Jose...

Umwaka ugiye gushira umutoza Jose Mourinho yirukanwe mu ikipe ya Manchester...
13 November 2019 Yasuwe: 1339 0

Real Madrid yiyemeje kugura rutahizamu wa PSG amafaranga y’umurengera...

Ikipe ya Real Madrid yiyemeje kurekura akayabo ka miliyoni 343 z’amapawundi...
13 November 2019 Yasuwe: 3114 0

Emery Bayisenge yavunikiye mu myitozo ya mbere Amavubi yakoze yitegura...

Mu myitozo ya mbere ya mbere Amavubi yakoreye I Maputo yitegura Mozambike...
13 November 2019 Yasuwe: 1189 0

Maria Sharapova ukundwa na benshi ku isi mu mukino wa Tennis ari mu...

Umurusiyakazi ukina umukino wa Tennis,Maria Sharapova,ari mu biruhuko mu...
13 November 2019 Yasuwe: 1453 0