Myugariro wa Rayon Sports ukina ku ruhande rw’ibumoso Irambona Eric yagize ikibazo cy’imvune mu itako aho abaganga b’iyi kipe batangaje ko ashobora kumara ibyumweru 3 adakina.
Uyu musore umaze igihe muri iyi kipe ntiyagaragaye mu mwiherero iyi kipe yagiriye mu ntara y’amajyepfo mu mpera z’icyumweru gishize aho byatewe n’iyi mvune.
Mu kiganiro yagiranye n’ikinyamakuru Umuseke dukesha iyi nkuru yagitangarije ko yari amaze iminsi yumva ababara mu itako byatumye yegera abaganaga none birangiye (...)

Sponsored Ad

Myugariro wa Rayon Sports ukina ku ruhande rw’ibumoso Irambona Eric yagize ikibazo cy’imvune mu itako aho abaganga b’iyi kipe batangaje ko ashobora kumara ibyumweru 3 adakina.


Uyu musore umaze igihe muri iyi kipe ntiyagaragaye mu mwiherero iyi kipe yagiriye mu ntara y’amajyepfo mu mpera z’icyumweru gishize aho byatewe n’iyi mvune.

Mu kiganiro yagiranye n’ikinyamakuru Umuseke dukesha iyi nkuru yagitangarije ko yari amaze iminsi yumva ababara mu itako byatumye yegera abaganaga none birangiye agiriwe inama yo kumara ibyumweru bitatu adakina.

Yagize ati “Nari maze igihe nkina umupira ariko umubiri wakora cyane nkumva mbabara mu itako ry’iburyo. Nagombaga kubanza kwivuza neza ku buryo ‘Super Cup’ na shampiyona bizagera meze neza. Nitaweho n’abaganga bansaba kumara hagati y’ibyumweru bibiri na bitatu ntakina umupira. Kandi nzakomeza kubasanga bankurikirane. Nizeye ko nzagaruka meze neza kurushaho.”

Ikipe ya Rayon Sports igiye kubura uyu musore mu mikino y’igikombe cy’Agaciro development Fund kizatangira ku italiki ya 09 Nzeri uyu mwaka ndetse n’umukino wa gicuti iyi kipe izakina na SC Villa Jogoo yo muri Uganda ku wa Gatandatu taliki ya 02 Nzeri 2017.