Umukinnyi Neymar Jr wa PSG yongeye kugaragaza ko nta bushake bwo kugaruka ku mugabane w’I Burayi,kuko yagaragaye ari gusomana n’umuhanzikazi witwa Anitta mu birori bya Rio Carnival biheruka kubera muri brazil mu mpera z’icyumweru gishize.

Sponsored Ad

Neymar Jr wavunitse mu mwaka ushize,yibereye iwabo muri Brazil aho ari kugaragara mu birori bitandukanye mu gihe ikipe ye ya PSG ikomeje amarushanwa atandukanye arimo na UEFA Champions League baraza kwakira Manchester United iri joro.

Neymar Jr yagaragaye ai kubyina injyana ya Samba ndetse agaragaza ko imvune yagiriye ku kuguru kwe kw’iburyo itangiye gukira.

Uyu rutahizamu yagaragaye ari gusomana na Anitta hanyuma ahita amureka ajya kwiganirira n’undi mukobwa mwiza cyane ufite imisatsi y’umuhondo.

Mu minsi ishize Neymar yavuzweho gukundana mu ibanga n’uyu muhanzikazi Anitta bagaragaye bari gusomanira mu kabyiniro kakurikiye ikirori cya Rio Carnival.