Imikino
Nizeyimana Djuma yatsinze ibitego 3 wenyine afasha Kiyovu Sport kunyagira Amagaju FC
Yanditswe: Saturday 12, Jan 2019
Sponsored Ad
Rutahizamu Nizeyimana Djuma akomeje kwerekana ko uyu mwaka ahagaze neza kurusha indi yose amaze akina ruhago kuko yatsindiye Kiyovu Sport ibitego 3-0 batsinze Amagaju ku munsi wa 14 wa shampiyona.
Sponsored Ad
Nizeyimana Djuma watahanye umupira nyuma yo gutsinda ibi bitego 3 wenyine, yahise yigaranzura Ulimwengu Jules wari uyoboye ba rutahizamu n’ibitego 8 we ahita agira icyenda.
Igitego cya mbere yagitsinze ku munota wa 34’ ku mupira wari uvuye muri koruneri yatewe na Kalisa Rachid wateraga imipira yose iteretse. Igitego cya kabiri cyagiyemo ku munota wa 55’ mbere yo gushyiramo ikindi kumunota wa 80’.
Kiyovu SC yafashe umwanya wa kane n’amanota 23 ku rutonde rw’agateganyo rwa shampiyona ruyobowe na APR FC ifite n’amanota 32.
Uko imikino yo Kuwa Gatandatu tariki 12 Mutarama 2019 yagenze:
Amagaju FC 0-3 SC Kiyovu (Nyagisenyi)
AS Muhanga 3-0 Gicumbi FC (Muhanga)
Sunrise FC 1-1 Marines FC (Nyagatare)
Ku Cyumweru tariki ya 13 Mutarama 2019
Bugesera FC vs Musanze FC (Nyamata)
Rayon Sports FC vs Kirehe FC (Stade de Kigali)
Ibitekerezo
nzeyimana Djum na komereze aho?
Wowe turagutwaye ntusigaye ngwino mukipe nziza ya mbere hano mu gihugu izaguha imibereho mwiza ikipe itagira amatiku ikipe iguha ibyishimo birenze ibyizindi ikipe izaguhesha direct itike ihoraho yikipe yigihugu ikipe izakwamamaza kuruhando mpuzamahanga ikipe uzambara Jezzi yayo ukunva uri proud NYAMUKANDAGIRA bose Bakubama.