Kigali

Novak Djokovic yatangaje amakuru yababaje abakunzi be

Imikino   Yanditswe na: Dusingizimana Remmy 27 July 2017 Yasuwe: 418

Umusore Novak Djokovic umunya Serbia ukina umukino wa Tennis yaraye atangaje inkuru yababaje abakunzi be aho yavuze ko atazongera kugaragara mu marushanwa ya Tennis asigaye muri uyu mwaka.

Uyu musore w’imyaka 30 umaze gutwara amarushanwa akomeye akinwa muri Tennis 12 (grand slams) yafashe uyu mwanzuro nyuma yo kuvuga ukuboko ndetse agahita asezera mu mukino wa kimwe cya kane wabaye taliki ya 12 Nyakanga uyu mwaka wamuhuzaga na Thomas Berdych muri Wimbledon iherutse kurangira itwawe na Roger Federer.

Uyu musore watangaje ko amaranye imvune yo mu inkokora amezi 18 yavuze ko kubera yo atazigera yongera gukina irushanwa iryo ari ryo ryose muri uyu mwaka aho agiye kwivuza neza ndetse anafate ikiruhuko kugira ngo azaze aryana mu mwaka utaha.

Nole nkuko bagenzi be bamwita abinyujije ku rubuga rwe rwa Facebook yagize ati “Nk’umukinnyi wabigize umwuga iki ni icyemezo kigoye gufata gusa ngomba kureba ku ruhande rufite inyungu nyinshi.Nagerageje kuganira n’abaganga bakomeye ndetse n’inzobere zitandukanye bambwira ko iyi mvune insaba kuruhuka.Ikiruhuko kirekire muri sport ntiwagihagarika gusa ngiye gukora ibishoboka byose kugira ngo nkire.Imbaraga z’umubiri wanjye zifite aho zigarukira gusa ngomba kwishimira ibyo nari maze kugeraho".

Iyi mvune ntiyorohereye Novak Djokovic nimero ya 4 ku isi kuko uyu mwaka amaze gutwara irushanwa rimwe rya Aegon International ndetse yatsindiwe ku mukino wa nyuma wa masters y’I Roma na Alexander Zverev mu gihe mu irushanwa rya Australian Open yasezerewe na nimero ya 117 Dennis Istomin ibintu byatunguye abantu benshi.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ifoto ya Cristiano Ronaldo ari kumwe n’umukunzi we uherutse kumubyarira...

• Nyuma yo kunyagira APOEL Ronaldo yahise ajya kuryoshya n’umukunzi we •...
23 November 2017 Yasuwe: 1058 1

Jimmy Mulisa yavuze ko rutahizamu we afite ikibazo cyo mu mutwe

• Jimmy Mulisa yabwiye itangazamakuru ko Issa afite ikibazo cyo mu mutwe •...
23 November 2017 Yasuwe: 1101 0

Umutoza wa Sevilla yahishuye impamvu ikomeye yatumye ikipe ye yishyura...

• Eduardo Berizzo utoza sevilla yatangaje ko kubwira abakinnyi be ko arwaye...
23 November 2017 Yasuwe: 298 0

Abasifuzi ntiborohewe n’abafana ku munsi wa 7 wa shampiyona y’u...

• Abafana b’amakipe yo mu ntara barinumira imisifurire iri gukorerwa amakipe...
23 November 2017 Yasuwe: 515 0

APR FC na Police FC zinaniwe kwisobanura ,Kiyovu ihita iyobora urutonde rwa...

• APR FC na Police banganyije 0-0 baha umwanya Kiyovu sports • Kiyovu Sports...
22 November 2017 Yasuwe: 443 0

Bale ayoboye urutonde rw’abakinnyi bagiye kwerekwa umuryango muri Real...

• Muri Real Madrid umweyo uri hafi • Zidane yatanze urutonde rw’abakinnyi 8...
22 November 2017 Yasuwe: 1443 0