Biravugwa ko ikipe ya Rayon Sports yaba iri mu biganiro n’abasore 2 aribo Nshuti Dominique Savio washeshe amasezerano n’ikipe ya AS Kigali ku munsi w’ejo, ndetse na Shabani Hussein uzwi nka Tshababalala ukinira ikipe y’Amagaju ndetse biravugwa ko iyi kipe yabatanze ku rutonde rw’abo izakoresha mu mikino ya CAF Champions League.
Amakuru ari kuvugwa ni uko nyuma yo kwandikira ikipe ya AS Kigali ko yifuza gusesa amasezerano nayo bitewe n’uko batubahirije ibikubiye mu ngingo ya gatatu y’amasezerano (...)

Sponsored Ad

Biravugwa ko ikipe ya Rayon Sports yaba iri mu biganiro n’abasore 2 aribo Nshuti Dominique Savio washeshe amasezerano n’ikipe ya AS Kigali ku munsi w’ejo, ndetse na Shabani Hussein uzwi nka Tshababalala ukinira ikipe y’Amagaju ndetse biravugwa ko iyi kipe yabatanze ku rutonde rw’abo izakoresha mu mikino ya CAF Champions League.

Amakuru ari kuvugwa ni uko nyuma yo kwandikira ikipe ya AS Kigali ko yifuza gusesa amasezerano nayo bitewe n’uko batubahirije ibikubiye mu ngingo ya gatatu y’amasezerano bagiranye, Nshuti Dominique yaba ari mu biganiro na Rayon Sports ndetse yifuza kuyikinira muri iyi mikino,akaba ariyo mpamvu yatumye bamutanga ku rutonde.

Nshuti yasezeye ku bafana ba Rayon Sports

Undi musore uri kuvugwa ni rutahizamu w’ikipe y’Amagaju Shabani Hussein we uri mu mwaka wa nyuma w’amasezerano ye muri iyi kipe, aho bivugwa ko Rayon Sports yatangiye kumwegera kugira ngo azabafashe muri iyi mikino .

Ikipe ya Rayon Sports iri mu biganiro na rutahizamu ukomoka mu gihugu cya Zambia aho bivugwa ko azagera mu Rwanda mu cyumweru gitaha aje gushyira umukono ku masezerano.

Rayon Sports izahura na Lydia Ludic yo mu Burundi mu ijonjora rya mbere aho izakomeza izahura n’igihangange Mamelodi Sundowns cyo muri Afurika y’Epfo.

Dusingizimana Remy