skol
fortebet

Nyirarukundo Salome yanikiye abanya Kenya yegukana Montreal Marathon

Yanditswe: Monday 24, Sep 2018

Sponsored Ad

Umunyarwandakazi Salome Nyirarukundo yakoze amateka atarakorwa n’undi muntu uwa ariwe wese mu Rwanda,kuko yanikiye abanya Kenyakazi n’Abanya Ethiopia bigaruriye amarushanwa ya Marathon ku isi, yegukana Marathon ya Montreal, yabaga ku nshuro ya 28, bimufasha gutsindira akayabo k’ibihumbi 11 by’amadolari bingana na miliyoni 10 000 000 FRW.

Sponsored Ad

Iyi Marathon ikomeye ya Montreal yaraye yitabiriwe n’abarenga 11 000 bakomoka mu bihugu 61 ku isi,birangira yegukanwe n’uyu munyarwandakazi utanga icyizere mu mikino ngororamubiri.

Salome yakoreye amateka muri Canada kuri iki Cyumweru yegukana Montreal Marathon

Salome Nyirarukundo yigaranzuye abanya Kenya na Ethiopia bigaruriye Marathon zo ku isi, abakubita inshuro asoza ku mwanya wa mbere akoresheje 2H28’2".

Nyirarukundo yitwaye neza muri ibi birometero 42,asoza ari ku mwanya wa mbere akurikirwa n’umunya Kenya Joan Kigen wakoresheje 2:31.26, mu gihe Emebet Anteneh wo muri Ethiopia yabaye uwa gatatu akoresha 2:43.24.

Mu cyiciro cy’abagabo nk’ibisanzwe irushanwa ryegukanwe n’umunya Kenya Ezekiel Mutai w’imyaka 25 wakoresheje amasaha 2,iminota 11 n’amasegonda 05,wakurikiwe n’undi munya Kenya Wycliffe Biwott yasize amasegonda 33, mu gihe umunya Rwanda Jean-Marie Vianney-Uwajeneza yabaye uwa Gatatu akoresheje 2:18:10.

Ezekiel Mutai wegukanye Montreal Marathon mu bagabo

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa