Kigali

Olunga wakinannye na Kagere yerekeje muri Espagne

Imikino   Yanditswe na: Dusingizimana Remmy 2 September 2017 Yasuwe: 398

Umunya Kenya Micheal Olunga w’imyaka 23 uzwi cyane mu ikipe ya Gor Mahia ubwo yafatanyaga ku busatirizi n’umunyarwanda Kagere Meddie yaraye yerekeje mu ikipe ya Girona FC iherutse kuzamuka mu cyiciro cya mbere muri Shampiyona ya Espagne “La Liga”.

Uyu musore wigaragaje mu mikino ya CECAFA 2015 ubwo yari mu ikipe ya Gor Mahia yerekeje muri Girona atijwe n’ikipe ye yo mu Bushinwa Guizhou Zhicheng.

Micheal Olunga wagiye atizwa kenshi n’amakipe yo muri Kenya yakiniye akiva mu ishuli ry’umupira w’amaguru rya Liberty Sports,akomeje kwigaragaza cyane mu makipe akomeye i Burayi cyane ko nyuma y’aho aviriye muri Gor Mahia akerekeza muri Suwede mu ikipe ya Djurgardens IF yigaragaje mu mwaka we wa mbere ubwo yatsindaga ibitego 12.

Kwitwara neza muri iyi kipe byatumye amakipe akomeye nka Real Betis,Galatasaray,Club Brugge na Malmo amwifuza,gusa birangira ahisemo kwerekeza mu ikipe ya Guizhou Zhicheng yo mu Bushinwa nayo yahisemo kumutiza muri Girona.

Iyi Girona itozwa na Pablo Machin iri ku mwanya wa 3 n’amanota 6,mu mukino ukurikira izakirira ku kibuga cyayo Estadi Montilivi cyakira abantu ibihumbi 13,500 ikipe ya Getafe nayo iheruka kuzamuka ,umukino ushobora kuzagaragaramo uyu musore.

Olunga ari kumwe na bagenzi be mu ikipe ya Guizhou Zhicheng

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Chris Froome yakoresheje imiti yongera imbaraga mu irushanwa rya Vuelta a...

Igihangange mu mukino wo gusiganwa ku magare Christopher Froome ukinira...
14 December 2017 Yasuwe: 49 0

Benshi mu bafana bakomerekeye ku mukino wahuje abakeba bo muri Serbia...

Mu mukino w’agapingane wahuje amakipe 2 yo muri Serbia ariyo Partizan...
14 December 2017 Yasuwe: 250 0

Karekezi arashaka kugarurira abafana ba Rayon Sports icyizere

Umutoza w’ikipe ya Rayon Sports Karekezi Olivier aratangaza ko yifuza...
14 December 2017 Yasuwe: 371 0

Seninga yarahiriye gukuraho amateka mabi afite ku ikipe ya Rayon...

Umutoza w’ikipe ya Police FC Seninga Innocent aratangaza ko yifuza gukuraho...
14 December 2017 Yasuwe: 73 0

Rayon Sports na APR FC zamenye amakipe zizahura nayo mu mikino...

Kuri uyu wa Gatatu taliki ya 13 Ukuboza 2017,nibwo amakipe atandukanye ku...
13 December 2017 Yasuwe: 180 0

Karekezi yakomoje ku mubano we na De Gaulle

Umutoza w’ikipe ya Rayon Sports Karekezi Olivier yatangaje ko nta...
13 December 2017 Yasuwe: 1165 0