Kigali

Ombolenga yahishuye impamvu yahisemo APR FC mbere ya AS Kigali

Imikino   Yanditswe na: 30 August 2017 Yasuwe: 566

Umukinnyi Ombolenga Fitina yatangaje ko impamvu yahisemo APR FC ifite byinshi ayibonamo ndetse kuba izasohokera u Rwanda biri mu byatumye uyu musore hitamo kuyibera myugariro mu gihe cy’imyaka 2.


Ombolenga wavugwaga muri AS Kigali nyuma y’aho iyi kipe imufashije kubona itike imugarura mu Rwanda ubwo yari yagiye gushaka ikipe muri Espagne,ntabwo yashimishijwe n’ibyo bamuhaga kugira ngo abasinyire ari yo mpamvu nyuma yo kwegerwa n’ubuyobozi bwa APR FC yemeye kubasinyira amasezerano y’imyaka 2.

Mu kiganiro yagiranye na Radio 10 dukesha iyi nkuru yemeje ko mbere yo kwerekeza muri APR FC ikipe ya AS Kigali yari yamushatse gusa kubera inyungu abona muri APR FC byatumye ahakanira ubuyobozi bwa AS Kigali.

Yagize ati “Birumvikana AS Kigli yaranshakaga gusa narebye mbona APR ariyo ngomba guhitamo kuko hari byinshi nabashije kumvikana nayo ndetse hari na byinshi nyibonamo kubera izasohoka n’ikipe itwara ibikombe ndumva nagombaga kuyijyamo kugira ngo nongeremo imbaraga."

Uyu musore yavuze kandi ko nta kibazo afitanye na Kiyovu Sports kuko nubwo yagiye akiyifitiye amasezerano y’umwaka umwe yemeje ko uwo mwaka warangiye.

Uyu musore yerekeje mu ikipe ya APR FC mu rwego rwo gusimbura umukinnyi Rusheshangoga Michel wamaze kwerekeza mu ikipe ya Singida yo muri Tanzania.Biravugwa ko Ombolenga yahawe amafaranga angana na miliyoni 8 ndetse akazajya ahembwa ibihumbi 500 by’amafaranga y’u Rwanda.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC y’abakinnyi 10 itsinze Rayon sports

Mu mukino wa shampiyona w’umunsi wa 11 utarabereye igihe, ikipe ya APR Fc...
25 February 2018 Yasuwe: 982 0

Pogba utari kuvuga rumwe na Mourinho ashobora kuva muri Manchester...

Umukinnyi Paul Pogba ukina hagati mu kibuga mu ikipe ya Manchester United...
25 February 2018 Yasuwe: 909 0

Amakuru y’ingenzi ari kuvugwa muri Rayon Sports na APR FC ziracakirana uyu...

Benshi mu bakunzi ba Ruhago mu Rwanda bategerezanyije ubwuzu umukino...
25 February 2018 Yasuwe: 1314 0

Amikoro yatumye Muhire Hassan asezera muri Miroplast FC ishobora...

Umutoza mukuru w’ikipe ya Miroplast Muhire Hassan yamaze kwandikira ibaruwa...
25 February 2018 Yasuwe: 300 1

Rurangirwa wongeye gutanga kandidatire yo kuyobora FERWAFA yakoze mu jisho...

Rurangirwa Louis wongeye gutanga kanditature yo kwiyamamariza kuyobora...
24 February 2018 Yasuwe: 1563 0

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 1248 0