Umukinnyi Paul Pogba ukinira ikipe ya Manchester United ntiyishimiye uko ari gukinishwa n’umutoza Jose Mourinho byatumye ababazwa n’umwanzuro yafashe wo kugaruka muri iyi kipe avuye muri Juventus yo mu Butaliyani.
Paul Pogba ntiyishimiye uko ari gukinishwa na Jose Mourinho
Kuva Jose Mourinho yagera mu ikipe ya Manchester United,uyu musore ntiyishimiye uko uyu mutoza agenda amukinisha aho amuhindurira umwanya buri gihe bituma atitwara neza.
Mu nkuru yasohowe n’ikinyamakuru l’Equipe ku (...)

Sponsored Ad

Umukinnyi Paul Pogba ukinira ikipe ya Manchester United ntiyishimiye uko ari gukinishwa n’umutoza Jose Mourinho byatumye ababazwa n’umwanzuro yafashe wo kugaruka muri iyi kipe avuye muri Juventus yo mu Butaliyani.


Paul Pogba ntiyishimiye uko ari gukinishwa na Jose Mourinho

Kuva Jose Mourinho yagera mu ikipe ya Manchester United,uyu musore ntiyishimiye uko uyu mutoza agenda amukinisha aho amuhindurira umwanya buri gihe bituma atitwara neza.

Mu nkuru yasohowe n’ikinyamakuru l’Equipe ku munsi w’ejo,uyu musore yagitangarije ko guhindurirwa umwanya byamukozeho ndetse akaba nta musaruro ari gutanga muri iyi minsi.

Jose Mourinho amaze iminsi yirengagiza uyu Paul Pogba aho mu mikino 2 iheruka iyi kipe yatsinzwe,Paul Pogba yagiye asimburwa mu buryo budasobanutse ndetse ibi bintu byaramubabaje cyane.

Kuva Alexis Sanchez yagera muri Manchester united,ntabwo Pogba arongera kwigaragaza aho ndetse bigaragara ko yasubiye inyuma ku rwego rwo hejuru.

Sanchez yatumye Pogba asubira inyuma

Mourinho yatangarije abanyamakuru ko yifuza ko Pogba yakinira cyane mu rubuga rw’amahina nkuko abakinnyi nka Steven Gerrard babigenzaga aho gushaka gukinira inyuma afasha ba rutahizamu.

Muri iki gitondo haramutse amakuru avuga ko ikipe ya Real Madrid yifuza gusinyisha uyu mufaransa Pogba wageze muri Manchester United aguzwe akayabo ka miliyoni 89 z’amapawundi aho yifuza kumutangaho akayabo ka miliyoni 120 z’amapawundi