Umukinnyi Paul Labile Pogba uherutse kwitwara neza mu gikombe cy’isi afasha Ubufaransa kucyegukana ashobora gusohoka mu ikipe ya Manchester United kubera umubano mubi afitanye na Cristiano Ronaldo akerekeza mu ikipe ya Juventus yahozemo.

Sponsored Ad

Pogba arashaka gukinana na Cristiano Ronaldo mu ikipe ya Juventus nyuma y’umwaka mubi yagize muri Manchester United aho atumvikanye n’umutoza Jose Mourinho bikamuviramo gushyirwa ku ntebe y’abasimbura.

Pogba wicajwe n’umwana muto Scott McTominay,arifuza gusubira muri Juventus yavuyemo aguzwe akayabo ka miliyoni 89 z’amapawundi muri Kanama 2016.

Nkuko byatangajwe n’ikinyamakuru Tuttosport cyo mu Butaliyani,uyu mufaransa w’imyaka 25 yaganiriye na Blaise Matuidi na Paulo Dybala bamusaba kugaruka muri Juventus ndetse aracyavugana n’abakinnyi ba Juventus.

Umutoza Maximiliano Allegri asanzwe ari umufana wa Pogba ndetse yasabye ubuyobozi bw’iyi kipe kugarura uyu musore nkuko byatangajwe na Tuttosport.