Kigali

Pep Guardiola yatunguye benshi kubera amagambo yavuze kuri Mahrez wahushije Penaliti kuri Liverpool

Imikino   Yanditswe na: Dusingizimana Remy 8 October 2018 Yasuwe: 2140

Umutoza w’ikipe ya Manchester City Pep Guardiola yatangarije abanyamakuru ko atari azi ko Riyad Mahrez ari umuswa mu gutera penaliti ariyo mpamvu yemeye ko atera penaliti ku munsi w’ejo bakina na Liverpool akayihusha.

Ku munsi w’ejo Manchester City yabonye amahirwe akomeye yo kubona amanota 3 imbere ya Liverpool, kuko ku munota wa 86 yahawe penaliti nyuma y’aho Leroy Sane yategerwaga mu rubuga rw’amahina na Virgil Van Dijk,birangira Mahrez ayiteye mu bicu.

Guardiola yavuze ko atigeze amenya ko Mahrez atari umuhanga mu gutera penaliti kuko iyo bari mu myitozo azitera neza byatumye amugira umukinnyi wa kabiri uzitera nyuma ya Sergio Aguero utari mu kibuga ubwo iyi penaliti yabonekaga kuko yari yasimbuwe na Gabriel Jesus.

Yagize ati “Akunze kugira ubushake bwo gutera penaliti.Iyo turi mu myitozo atera penaliti neza cyane.Ntabwo nari nzi ko afite agahigo kabi mu gutera penaliti gusa byabaye,kandi mu mupira w’amaguru bibaho.”

Mahrez amaze guhusha penaliti 5 muri penaliti 8 aheruka gutera ndetse yaherukaga guhusha penaliti ubwo Leicester City yakinaga na Manchester City muri Gicurasi umwaka ushize.

Riyad Mahrez wanze ko Jesus atera iyi penaliti, yatumye Manchester City idatsindira Liverpool ku kibuga cyayo dore ko yari imaze iminsi ihatsindirwa ndetse yatumye idafata umwanya wa mbere wahise uhuriraho amakipe 3 arimo izi zombie zahuraga ku munsi w’ejo na Chelsea,bose banganya amanota 20.


Guardiola yavuze ko atari aziko Mahrez ari hasi mu gutera penaliti

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abajura 3 bafashwe bagiye kwiba mu rugo rw’ umuherwe David Beckham

Abagabo batatu bambaye masks bafashwe na camera za CCTV bari kugerageza...
22 October 2018 Yasuwe: 613 0

Vidic wahoze ari kapiteni wa Manchester United yatangaje rutahizamu...

Myugariro Nemanja Vidic wabaye kapiteni wa Manchester United ubwo yatozwaga...
22 October 2018 Yasuwe: 1061 0

Perezida wa FC Barcelona yavuze byinshi ku byerekeye kugarura Neymar...

Umuyobozi wa FC Barcelona,Josep Maria Bartomeu yavuze ko nta gahunda bafite...
22 October 2018 Yasuwe: 747 0

Bimenyimana Bonfils Caleb yihaye intego ikomeye muri uyu mwaka...

Rutahizamu wa Rayon Sports uhagaze neza cyane,Bimenyimana Bonfils Caleb...
22 October 2018 Yasuwe: 1239 0

Umwarimu yaciye umutwe umukunzi we wanze ko bashyingiranwa

Umwarimu witwa Shyngys Bekenov w’imyaka 26 ukomoka muri Kazakhstan,yakoze...
22 October 2018 Yasuwe: 646 0

Abatoza babiri bazavamo usimbura Julen Lopetegui muri Real Madrid bamaze...

Ikipe ya Real Madrid iri mu nzira zo kwirukana umutoza wayo Julen Lopetegui...
22 October 2018 Yasuwe: 1573 0