Kigali

Perezida Magufuli yahembye bishimishije abakinnyi ba Tanzania bakatishije itike yo kwerekeza muri CAN 2019

Imikino   Yanditswe na: Dusingizimana Remy 26 March 2019 Yasuwe: 2241

Umukuru w’igihugu cya Tanzania John Pombe Magufuli yagabiye ibibanza n’amafaranga abakinnyi b’ikipe y’igihugu ‘Taifa Stars’ baherutse gukatisha itike yo kwerekeza mu gikombe cya Afurika baherukagamo mu myaka 39 ishize.

Magufuli yakiriye aba bakinnyi ku munsi w’ejo mu Biro bye,abashimira akazi keza bakoze ko kunyagira Uganda ibitego 3-0 bikabafasha kwerekeza muri CAN 2019 izabera mu Misiri,ahita abaha ibihumbi 5 by’idolari buri umwe ndetse n’ikibanza cyo kubakamo mu mujyi wa Dodoma.

Ibitego Simon Msuva, Erasto Nyoni na Aggrey Morris batsinze Uganda ku cyumweru, nibyo byafashije Tanzania kugera muri CAN 2019 izabera mu Misiri muri Kamena uyu mwaka.

Magufuli akimara kwakira iyi kipe yagize ati “Aba bakinnyi baranshimishije cyane, kandi ndatekereza bakwiye igihembo. Ngiye kubagororera mu izina ry’igihugu cyose. Bose nk’ikipe, bazabona ubutaka muri Dodoma bazahubake amazu.

Kubona itike ni intangiro yo guhangana, abanya Tanzania bose barishimye kandi ndashaka kubashimira ku rukundo rw’igihugu no kubashyigikira bagaragaraje ku mukino.”

Tanzania itegereje tombola izaba kuwa 12 Mata 2019 kugira ngo izamenye itsinda izaba iherereyemo muri CAN 2019 cyo kimwe n’andi makipe yabonye itike.

Imikino ya CAN 2019 izatangira tariki ya 21 Kamena kugeza ku ya 19 Nyakanga, mu mijyi itandukanye mu Misiri.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Fernando Torres wasezeye ku mupira w’amaguru yavuze umukinnyi umwe mubo...

Rutahizamu Fernando Torres wubatse izina mu ikipe ya Liverpool no muri...
24 June 2019 Yasuwe: 1901 0

Umutoza wa Rayon Sports Robertinho yizihije isabukuru y’amavuko ari kumwe...

Umutoza wa Rayon Sports , Roberto Oliveira Gonçalves do Carmo, uri uri mu...
24 June 2019 Yasuwe: 1421 1

Rayon Sports yatumiye perezida Kagame kuzaza kureba umukino wa nyuma...

Ubuyobozi bwa Rayon Sports burifuza ko nyakubahwa perezida Kagame...
24 June 2019 Yasuwe: 2042 1

Tanzania na Kenya zagaragaje urwego rwo hasi cyane mu gikombe...

Tanzania yatsinzwe ibitego 2-0 na Senegal mu mukino yakozemo amakosa menshi...
24 June 2019 Yasuwe: 1280 0

Rayon Sports izacakirana na AS Kigali muri ½ cy’igikombe cy’Amahoro nyuma yo...

Ikipe ya Rayon Sports yongeye gutombora AS Kigali muri ½ cy’irangiza...
23 June 2019 Yasuwe: 4260 0

Abakinnyi ba Manchester United basabye ubuyobozi bwa Manchester United...

Abakinnyi bakomeye mu ikipe ya Manchester United ndetse n’umutoza wayo Ole...
23 June 2019 Yasuwe: 5338 0