Umuyobozi w’ikipe ya Rayon Sports Muvunyi Paul yagiriye inama Umutoza Karekezi Olivier yo kuvugurura umukino wa Rayon Sports kugira ngo agumane akazi ke nubwo batangiye kuganira n’umubiligi Ivan Minnaert ngo aze kumusimbura. Muvunyi yasabye Karekezi guhindura imikinire
Ku wa Gatatu wnibwo umutoza Ivan Minnaert yagaragaye kuri stade ya Kigali ku mukino Rayon yatsinzemo Musanze 3-2 ari kumwe na perezida Muvunyi amakuru UMURYANGO ufitiye gihamya ni uko yaje mu modoka ya Muvunyi,ibintu (...)

Sponsored Ad

Umuyobozi w’ikipe ya Rayon Sports Muvunyi Paul yagiriye inama Umutoza Karekezi Olivier yo kuvugurura umukino wa Rayon Sports kugira ngo agumane akazi ke nubwo batangiye kuganira n’umubiligi Ivan Minnaert ngo aze kumusimbura.

Muvunyi yasabye Karekezi guhindura imikinire

Ku wa Gatatu wnibwo umutoza Ivan Minnaert yagaragaye kuri stade ya Kigali ku mukino Rayon yatsinzemo Musanze 3-2 ari kumwe na perezida Muvunyi amakuru UMURYANGO ufitiye gihamya ni uko yaje mu modoka ya Muvunyi,ibintu abakunzi ba Rayon Sports bafashe nko kudaha agaciro umutoza Olivier Karekezi.

Karekezi yasabwe gukina umukino mwiza

Mu kiganiro Muvunyi yagiranye na The New Times ku munsi w’ejo,yagitangarije ko ubuyobozi bwa Rayon Sports butishimiye umukino iyi kipe iri gukina muri iyi minsi aho benshi mu bakinnyi basubiye inyuma ndetse kubona ibitego bikaba bisigaye ari ingorabahizi.

Umukino Karekezi Olivier akina umaze kumuhesha ibikombe 4

Yagize ati “Iyo urebye imikinire y’ikipe muri rusange,ntabwo iri gukina neza.Turifuza ko yahindura imikinire ariko nitubona nta gihindutse tugomba gushaka icyo dukora.Turifuza kongera imbaraga mu batoza gusa ubu sinavuga ku byerekeye gusimbuza Karekezi.Nihagira igihinduka mu mikinire y’ikipe nta kibazo tuzaba dufite gusa ntabwo twishimiye uko ikipe iri gukina muri iyi minsi.

Nubwo Muvunyi atangaza ibi,yibuke ko umutoza avuga ko akina nabi amaze kwegukana ibikombe 4 byose yahataniye ndetse muri byo yigaranzuye mukeba wabo w’ibihe byose APR FC ubugira kabiri,akaba arushwa amanota 2 gusa na Kiyovu Sports iyoboye shampiyona.

Karekezi Olivier ntiyishimiye kunganga na LLB

Ikibazo cya Rayon Sports muri iyi minsi ntabwo ari imikinire kuko umusaruro wayo uracyari ku rwego rushimishije kabone nubwo batitwaye neza ku mukino wa APR FC mu gikombe cy’intwari ndetse n’umukkino ubanza wa CAF Champions League iyi kipe yahuyemo na LLB yo mu Burundi.

Umukino wa Karekezi wamufashije gutwara igikombe cya super cup atsinze APR FC

Rayon Sports ikomeje gukora imyitozo ikomeye yo kwerekeza mu Burundi ku wa mbere aho izaba igiye guhura na Lydia Ludic Academic mu mukino wo kwishyura uzaba ku wa Gatatu w’icyumweru gitaha.