Umudage uyobora Bayern Munich witwa Uli Hoeness yagiye mu itangazamakuru atuka Mesut Ozil amuhora y’uko yavuze ko yakorewe ivangura n’abanyamakuru ndetse n’ishyirahamwe rya ruhago mu Budage.

Sponsored Ad

Uyu mugabo uyobora Bayern Munich yavuze ko Ozil yari umwanda mu mikino ishize ndetse ko yaherukaga gutera umuserebeko akambura umupira mbere y’igikombe cy’isi cya 204.

Hoeness yavuze ko Ozil yakinaga umwanda

Yagize ati “Yakinaga umukino w’umwanda mu myaka ishize.Aheruka gutera tacle mbere ya 2014 ndetse imikinire ye iciriritse yari ikabije.Iyo Bayern Munich yakinaga na Arsenal,niwe kiraro twacagaho kuko tuzi ko ari ku rwego rwo hasi.Abantu miliyoni 35 bamukurikirana ku mbuga nkoranyambaga,ntibagakwiriye kubikora muri iyi si, bararuwe n’imipira ivamo ibitego atanga.Kuri njye nta mwanya Ozil yari akwiriye kubona mu ikipe y’igihugu mu myaka ishize.”

Ozil wafashije Ubudage kwegukana igikombe cy’isi 2014 yaraye asezeye gukinira ikipe y’igihugu aho yavuze ko abanyamakuru b’Ubudage ndetse na DFB bamukoreye ivangura ryatumye yumva atagishaka gukinira igihugu cye.