Kigali

Perezida wa FRVB yatangaje ibyihutirwa agiye gukora muri manda ye

Imikino   Yanditwe na: Dusingizimana Remmy 31 July 2017 Yasuwe: 292

Umuyobozi w’ishyirahamwe ry’umukino wa Volleyball mu Rwanda (FRVB) Karekezi Leandre yatangaje ko manda y’imyaka 4 aherutse gutorerwa agiye kuyibyaza umusaruro mu kubaka Volleyball itajegajega ndetse no kuzamura uyu mukino mu banyarwanda.

Ibi yabitangaje ubwo yari mu kiganiro cy’Imikino kuri Radio 10 ku italiki ya 25 Nyakanga 2017, aho yashimangiye ko nubwo Volleyball wahoze ari umukino ukunzwe cyane cyane mu mashuli abona hari ukuntu wasubiye inyuma gato agiye gukora ibishoboka akawusubiza ku rwego wari uriho.

Yagize ati “Kera twese twari tuzi ko nyuma ya Ruhago Volleyball iza ku mwanya wa kabiri.Mbere na mbere turifuza kugarura ubumwe mu muryango wa Volleyball kuko mu mikino ishize mwabonye ko abakunzi ba Volleyball bari bafite inyota yo kugaruka ku bibuga bityo tugiye gutumiza inama y’abagize uruhare mu guteza imbere volleyball mu Rwanda aho dushaka kumva ibitekerezo byabo ku cyakorwa ngo yongere izamuke.Turashaka kugira inama ngari y’abakinnyi ba Volleyball yaba abakina uyu munsi n’abakinnye kera.Tugiye gushaka abafatanyabikorwa kuko nta mafaranga siporo ntiyashoboka turifuza gukorana n’abandi bafatanyabikorwa batari Leta gusa aho twifuza gukorana n’ibigo byigenga bishaka gutambutsa ubutumwa byabyo bibinyujije muri Volleyball bityo tube twabasha kubona ubushobozi bwadufasha kugira amarushanwa menshi.

Turifuza kugarura amarushanwa yari yarasinziriye kandi yari akenewe nka Coupe du Rwanda no kongera gufasha amakipe gusohokera igihugu,hari kandi ririya rushanwa ryo kwibuka abakinnyi n’abakunzi ba Volleyball bazize Jenoside muri 1994 aho twifuza ko itaba mpuzamahanga gusa ko twagira n’iyi imbere mu gihugu.Turifuza ko kuri buri kigo cy’ishuli haba ikipe ya Volleyball byadufasha kugira amakipe menshi tukava ku cyiciro cya mbere gifite amakipe 8 akiyongera ndetse n’umubare w’abakinnyi ba Volleyball ukiyongera.

Uyu muyobozi yavuze ko FRVB igiye gufatanya n’abayobozi batandukanye bo mu ntara n’uturere ndetse n’ibigo by’amashuli ku buryo byabafasha guteza imbere uyu mukino aho bifuza guhura nabo bakaganira uburyo bw’imikoranire.

Karekezi Leandre yatorewe kuyobora FRVB ku italiki ya 06 Gicurasi uyu mwaka nyuma y’aho Nkurunziza wari usanzwe ayobora iri shyirahamwe yari yeguye ku mirimo ye.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

FERWAFA yatangaje igihe umukino wa Rayon na APR uzasubukurirwa

Ishyirahamwe ry’ umupira w’ amaguru mu Rwanda FERWAFA ryatangaje ko umukino...
25 September 2017 Yasuwe: 2196 1

Masudi yatangaje ikintu akumbuye muri iyi minsi ari umushomeri

Uwahoze ari umutoza wa Rayon Sports ndetse wayifashije kwegukana igikombe...
25 September 2017 Yasuwe: 3366 0

Kiyovu Sports yatoye umuyobozi mushya wahize kugarura Kiyovu mu makipe...

Ku munsi w’ejo nibwo ikipe ya Kiyovu Sports yakoze inama y’inteko rusange...
25 September 2017 Yasuwe: 621 0

Mukura VS yemerewe inkunga ya miliyoni 104 n’akarere ka Huye

Ku munsi w’ejo nibwo ikipe ya Mukura VS yakoze inama y’inteko rusange yo...
25 September 2017 Yasuwe: 271 0

Karekezi yatangaje icyakorwa ku isubukurwa ry’umukino wa APR FC na Rayon...

Umutoza Olivier Karekezi yamaze gutangaza ko we icyo yifuza ko FERWAFA...
24 September 2017 Yasuwe: 4843 1

De Gaulle yavuze ko umukino wa APR FC na Rayon Sports ugomba gusubirwamo...

Umuyobozi w’ishyirahamwe ry’umupira w’amaguru mu Rwanda FERWAFA, Nzamwita...
24 September 2017 Yasuwe: 3099 3