Kigali

Pickford yafashije ubwongereza kwerekeza mu mikino ya ¼ cy’irangiza mu gikombe cy’isi

Imikino   Yanditswe na: Dusingizimana Remy 3 July 2018 Yasuwe: 792

Ubwongereza buri kuririmba umunyezamu Jordan Pickford wakuyemo penaliti yatumye basezerera Colombia mu mukino wa 1/16 cy’irangiza warangiye amakipe anganya igitego 1-1 hakitabazwa penaliti zahiriye Ubwongereza butsinda 4-3.

Colombia yakinnye uyu mukino idafite James Rodriguez, yagowe bikomeye kuko abakinnyi b’imbere barimo Falcao batigeze babona imipira imbere y’izamu ndetse uburyo bwo kubona izamu bwabaye buke cyane.

Nyuma y’igice cya mbere cyarangiye ari 0-0,Ubwongereza bwabonye penaliti ku munota wa 53 nyuma y’aho umukinnyi Carlos Sanchez yakuruye Harry Kane mu rubuga rw’amahina hagiye guterwa koloneri amutura hasi byatumye umusifuzi yemeza ko ari penaliti yinjizwa na Kane.

Ubwongereza bwakomeje kurwana ku gitego cyabwo bushaka ko umupira urangira ,gusa buza kwishyurwa mu minota 3 yari yongewe ku mukino nyuma y’iminota 90 isanzwe gitsinzwe na Yerry Mina ku mupira yakubise umutwe uvuye muri koloneri.

Amakipe yagiye mu minota 30 y’inyongera ntiyagira icyo itanga hitabazwa penaliti zahiriye Ubwongereza kuko bwinjije 4 kuri 3 za Colombia.

Harry Kane, Marcus Rashford,Kieran Trippier na Eric Dier binjije penaliti,Jordan Henderson ahusha imwe ku ruhande rw’Ubwongereza mu gihe Colombia yinjije penaliti 3 za Falcao,Cuadrado,Muriel hanyuma Uribe na Carlos Bacca barazihusha.

Ubwongereza buzahura na Sweden yasezereye Ubusuwisi ku gitego 1-0, mu mikino ya ¼ cy’irangiza cy’igikombe cy’isi bwaherukagamo mu gikombe cy’isi cyo mu mwaka wa 2006.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yishongoye kuri Jurgen Klopp na Maurizio Pochettino batoza...

Uwahoze ari umutoza wa Manchester United,Jose Mourinho yatangaje ko nta...
25 March 2019 Yasuwe: 1996 0

Rayon Sports yafashe ingamba zikomeye zigiye kuyifasha gutera imbere...

Kuri iki Cyumweru taliki ya 24 Werurwe 2019 nibwo ubuyobozi bw’ikipe ya...
25 March 2019 Yasuwe: 4746 1

Ikipe y’igihugu cya Uganda nayo yanyagiwe n’ikipe y’igihugu cya...

Ikipe y’igihugu ya Tanzania ibaye igihugu cya kane gituranye n’u Rwanda...
24 March 2019 Yasuwe: 2893 0

Ubuyobozi bwa Rayon Sports bwagabiye inka ebyiri umukinnyi Irambona Eric...

Ubuyobozi bw’ikipe ya Rayon Sports bwagabiye inka 2 umuryango mushya wa...
24 March 2019 Yasuwe: 4177 0

Wayne Rooney yasohokanye ku mazi umugore we byavugwaga ko benda gutandukana...

Umukinnyi Wayne Rooney wahoze akinira amakipe akomeye nka Manchester United...
24 March 2019 Yasuwe: 3973 0

Cristiano Ronaldo yongeye kugaragariza mu ruhame ko yanga ikipe ya Real...

Rutahizamu Cristiano Ronaldo ukinira ikipe ya Juventus yongeye kugaragaza...
24 March 2019 Yasuwe: 7072 0