Ikipe ya Police Fc ihagaritse umuvuduko wa Kiyovu Sports iyitsinda ibitego 2-0 mu mukino w’umunsi wa 13 wa shampiyona y’u Rwanda wabereye kuri stade ya Mumena isanzwe izwi nk’imbehe ya Kiyovu Sports. Imbere y’abafana bayo,Kiyovu Sports yari imaze iminsi mu munnyenga ntibashije kwihagararaho kuko itsinzwe n’ikipe y’abashinzwe umutekano ibitego 2-0,byatsinzwe na Ndayishimiye Antoine Dominique na SONGA Isaie.
Rutahizamu Songa Isaie wari umaze iminsi mu mvune akomeje kwerekana ko ari rutahizamu (...)

Sponsored Ad

Ikipe ya Police Fc ihagaritse umuvuduko wa Kiyovu Sports iyitsinda ibitego 2-0 mu mukino w’umunsi wa 13 wa shampiyona y’u Rwanda wabereye kuri stade ya Mumena isanzwe izwi nk’imbehe ya Kiyovu Sports.

Imbere y’abafana bayo,Kiyovu Sports yari imaze iminsi mu munnyenga ntibashije kwihagararaho kuko itsinzwe n’ikipe y’abashinzwe umutekano ibitego 2-0,byatsinzwe na Ndayishimiye Antoine Dominique na SONGA Isaie.

Rutahizamu Songa Isaie wari umaze iminsi mu mvune akomeje kwerekana ko ari rutahizamu ushoboye, kuko amaze gutsinda ibitego 2 mu mikino 2 yikurikiranya cyane ko yatsinze igitego kimwe mu mukino uheruka Police FC yanganyije na AS Kigali ibitego 2-2.

Songa Isaie ahagaze neza

Kiyovu Sports ikomeje gutenguha abafana bayo ndetse biragaragara ko akagozi kayo gatangiye kugenda gacika kuko uyu mukino itsinzwe uje ukurikira uwo banganyije na Kirehe FC 0-0 ku wa Kabiri w’iki Cyumweru.

Kiyovu Sports itangiye gucika imbaraga

Kiyovu Sports iracyari ku mwanya wa mbere by’agateganyo n’amanota 24,ariko igomba gusenga kugira ngo AS Kigali izatakaze umukino wayo ku munsi w’ejo izacakirana na Mukura VS kuri Stade ya Kigali, cyane ko ariyo iyikurikiye ku mwanya wa 2 n’amanota 22,Police FC ihise ifata umwanya wa 3 na 22 mu gihe APR FC na Rayon Sports arizo zikurikiraho zinganya amanota 21.