Kigali

Police FC yatsinze Mukura VS yari yarananiranye muri shampiyona

Imikino   Yanditswe na: Dusingizimana Remy 24 January 2019 Yasuwe: 1765

Mukura VS yari yarananiranye muri shampiyona ya AZAM Rwanda Premier League, yatsinzwe bwa mbere na Police FC ibitego 3-2,mu mukino w’umunsi wa 9 wa shampiyona utarabereye igihe, wabereye kuri stade ya Kigali i Nyamirambo.

Mukura VS iri kuvugwamo ibibazo by’amikoro ndetse abakinnyi bayo bakaba bamaze amezi 4 badahembwa,itsindiwe kuri stade ya Kigali ibitego 3-2 na Police FC yari imaze iminsi itabona amanota 3.

Police FC yafunguye amazamu ku munota wa 06 w’umukino ku gitego cyatsinzwe na Kevin nyuma ya penaliti yatewe na Hakizimana Kevin umunyezamu Wilonja Ismail akayikuramo,umupira ukamugarukira agasongamo.

Ntabwo Mukura VS yatinze kwishyura iki gitego,kuko ku munota wa 12 David Nshimirimana yayishyuriye ku mupira mwiza yahawe na Onesme Twizerimana.

Mukura VS yabashije kurangiza igice cya mbere itsinze kuko ku munota wa 27 yabonye igitego cya kabiri cyatsinzwe na Ciza Hussein ndetse nyuma yacyo yakomeje kuyobora umukino.

Umutoza wa Police FC Albert Mphade uri mu mazi abira,yaje mu gice cya kabiri yariye karungu ndetse ashaka kwisubiza icyubahiro bihita bimuhira ku munota wa 49 Ndayishimiye Antoine Dominique atsinda igitego cyo kwishyura.

Nyuma yo kubona igitego cyo kwishyura umutoza Albert Mphande yahise asimbuza ku munota wa 52,akuramo Hakizimana Kevin, amusimbuza rutahizamu Songa Isaie kugira ngo ashake igitego cy’intsinzi.

Nyuma y’izi mpinduka,Police FC yabonye igitego cya 3 cyatsinzwe na Mushimiyimana Mohamed ku munota wa 65,ku ikosa ry’umunyezamu Wilonja Ismail.

Ikipe ya Police FC yakomeje kwirwanaho kugira ngo ibone amanota 3,yatindije iminota karahava,abakinnyi bakaryama buri kanya byatumye umusifuzi yongeraho iminota 5 itahiriye Mukura VS yarangije itsinzwe umukino wayo wa mbere muri shampiyona.

Umutoza Albert Mphande wari umaze imikino ine adatsinda abonye amanota atatu yiruhukije cyane ko yahise ajya ku mwanya wa 6 n’amanota 24 mu gihe Mukura VS yo igumye ku mwanya wa 3 n’amanota 26,gusa yo iracyafite imikino 4 y’ibirarane.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Iyampa ngo izatakaze nundi mukino rwose kuko sinifuzako yaducaho ejo bari bavuze waa ngo APR ngo yarangiye none nabo babonye ko inkoni ikubise mucyeba uyirenza urugo

    5 months ago

Inzindi nkuru

Cristiano Ronaldo yongeye kuvugwa cyane kubera ibyo yakoreye umwana wo muri...

Rutahizamu Cristiano Ronaldo yashimishije benshi kubera ukuntu yemereye...
22 July 2019 Yasuwe: 1530 0

PSG yemeye kongerera umushahara Kylian Mbappe uruta uwa Cristiano...

Ikipe ya PSG yo mu Bufaransa, irateganya kugira Kylian Mbappe umukinnyi...
22 July 2019 Yasuwe: 773 0

Marcelo yateje impaka mu bakunzi ba ruhago ubwo yatangazaga umukinnyi...

Myugariro wa Real Madrid n’igihugu cya Brazil,Marcelo,yatangaje ko kuri we...
22 July 2019 Yasuwe: 1621 0

KCCA yegukanye CECAFA Kagame Cup yari imaze imyaka 13 idataha muri...

Nkuko yabigenje mu matsinda,KCCA yasubiriye AZAM FC iyitsinda igitego 1-0...
21 July 2019 Yasuwe: 1356 1

Rayon Sports na AS Kigali zamaze kumenya amakipe zizacakirana mu mikino...

Ikipe ya Rayon Sports ifite akazi katoroshye mu mukino ubanza wa CAF...
21 July 2019 Yasuwe: 2629 0

Zidane yibasiye Chelsea anatangaza ko agiye kwirukana Gareth Bale muri Real...

Umutoza wa Real Madrid,Zinedine Zidane, yatangaje ko mu masaha make ari...
21 July 2019 Yasuwe: 4589 0