Polisi y’u Rwanda yamaze kurekura abakinnyi babiri ba Rayon Sports, Mukunzi Yannick na Rutanga Eric, nyuma y’amasaha macye bitangajwe y’uko bafunzwe mu iperereza.
Yannick Mukunzi ni umukinnyi wo hagati w’ikipe ya Rayon Spots mu gihe Rutanga Eric ari myugariro w’ibumoso, barekuwe nyuma nyuma yo gutanga amakuru mu iperereza ry’ibanze kuri dosiye y’umutoza wabo, Karekezi Olivier.
Ku mugoroba wo kuri uyu wa Mbere tariki ya 20 Ugushyingo 2017 , Polisi y’Igihugu y’u Rwanda ibinyujije ku rukuta rwa (...)

Sponsored Ad

Polisi y’u Rwanda yamaze kurekura abakinnyi babiri ba Rayon Sports, Mukunzi Yannick na Rutanga Eric, nyuma y’amasaha macye bitangajwe y’uko bafunzwe mu iperereza.

Yannick Mukunzi ni umukinnyi wo hagati w’ikipe ya Rayon Spots mu gihe Rutanga Eric ari myugariro w’ibumoso, barekuwe nyuma nyuma yo gutanga amakuru mu iperereza ry’ibanze kuri dosiye y’umutoza wabo, Karekezi Olivier.

Ku mugoroba wo kuri uyu wa Mbere tariki ya 20 Ugushyingo 2017 , Polisi y’Igihugu y’u Rwanda ibinyujije ku rukuta rwa Twitter, yatangaje ko Mukunzi na Rutanga nta byaha bakurikiranyweho.

Yagize ati “Abakinnyi babiri ba Rayon Sports, Rutanga Eric na Mukunzi Yannick nta byaha bakurikiranyweho. Bari bitabye Polisi gufasha Ubugenzacyaha mu iperereza ry’ibanze kuri dosiye ya Karekezi Olivier, nyuma barataha.”

Ubu butumwa ni nabwo umwe mu bayobozi ba Rayon Sports mu ishami rishinzwe itumanaho no gutangaza amakuru Olivier Gakwaya yanyujije kuri Instagram ye, ati “Abakinnyi babiri ba Rayon Sports, Rutanga Eric na Mukunzi Yannick nta byaha bakurikiranyweho. Bari bitabye Police gufasha ubugenzacyaha mu iperereza ry’ibanze kuri Dosiye ya Karekezi Olivier, nyuma barataha.”

Yannick na Rutanga byavugwaga y’uko bafashwe mu ijoro ryo kuri iki cyumweru bavuye mu myitozo ya Rayon Sports.Ngo Yannick yafashwe ahagana saa yine z’ijoro bamujyana iwe gufata ibyo kwifubika bahita banafata Eric kuko babana.

Kugeza ubu, Karekezi Olivier amaze iminsi ine afunzwe aho Polisi y’Igihugu yatangaje y’uko akurikiranyweho ibyaha Polisi yavuze ko byakozwe hifashishijwe ikoranabuhanga.
REBA AMAFOTO:

Rayon Sports yari yasabye ko imikino yayo iri hagati y’itariki 20 Ugushyingo na tariki 10 Ukuboza 2017 isubikwa


Yannick na Rutanga bafunguwe