Kigali

Portugal na Espagne bazamutse biyushye akuya kandi barahabwaga amahirwe

Imikino   Yanditswe na: Dusingizimana Remy 25 June 2018 Yasuwe: 1119

Ikipe ya Espagne n’iya Portugal zinaniwe gutsinda imikino yazo ya nyuma ndetse zinganya ku kaburembe nubwo zibashije kugera mu mikino ya 1/16 cy’irangiza cy’igikombe cy’isi.

Mu mikino yari itegerejwe na benshi yo mu itsinda B,ikipe ya Iran inganyije na Portugal igitego 1-1 mu mukino wagoye Cristiano Ronaldo na bagenzi be,basabwaga inota rimwe bagakomeza.

Portugal yafunguye amazamu ku munota wa 45 ku gitego cyiza cyane cyatsinzwe na Ricardo Quaresma ku mupira yateye mu Nguni yo hepfo umunyezamu wa Iran ntiyabasha kuwugarura.

Portugal yatangiye igice cya kabiri ishaka ikindi gitego ndetse biza kuyihira ku munota wa 53 ubwo Cristiano Ronaldo yategerwaga mu rubuga rw’amahina,umusifuzi Enrique Caceres akabanza kwanga penaliti gusa akaza kuyemeza abifashijwemo na VAR,uyu rutahizamu ayiteye umunyezamu wa Iran ayikuramo.

Ikipe ya Iran yatangiye gushaka igitego kuko yari iziko isabwa gutsinda kugira ngo ikomeze,byatumye abakinnyi ba Portugal bahererekanyaga umupira batangira gukora amakosa.

Ku munota wa 83 Cristiano Ronaldo yakubise inkokora umukinnyi wa Iran ku bushake mu kibuga haba kavuyo katumye umusifuzi Caceres yitabaza VAR kugira ngo arebe iri kosa,afata icyemezo cyo kumuha ikarita y’umuhondo aho kuba umutuku ibintu byateje akavuyo ku ruhande rwa Iran yifuzaga ko Ronaldo asohorwa mu kibuga.

Mu minota y’inyongera myugariro Cedric Soares yakoze umupira mu rubuga rw’amahina ,abakinnyi ba Iran bateza akavuyo katumye umusifuzi yongera kwitabaza VAR arayemeza,iterwa neza na Karim Ansarifard,umukino urangira amakipe yombi anganya igitego 1-1.

Ku rundi ruhande hari umukino nawo utavuzweho rumwe kubera imisifurire aho ikipe ya Espagne yanganyije na Morocco ibitego 2-2 byatsinzwe na Isco na Iago Aspas watsinze igitego umusifuzi akemeza ko yaraririye nyuma akaza kucyemeza hitabajwe VAR mu gihe Morocco yatsindiwe na Khalid Boutaib naYoussef En-Nesyri.

Portugal yarangije ku mwanya wa 2 mu itsinda B izahura na Uruguay yabaye iya mbere mu itsinda A ibikesheje gutsinda Uburusiya uyu munsi ibitego 3-0,mu gihe Espagne mu itsinda B izahura na’Uburusiya bwa 2 mu itsinda A.Misiri yatsinzwe na Saudi Arabia ibitego 2-1 mu wundi mukino wo mu itsinda A.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yaregeye FERWAFA umusifuzi wo ku ruhande Ndagijimana

Ubuyobozi bwa Rayon Sports ntibwishimiye ibyemezo by’umusifuzi wo ku...
13 December 2018 Yasuwe: 501 0

Gafotozi yafotoye ifoto igaragaza igitsina cy’ umugabo mu ikipe y’ abagore ya...

Ikipe y’ abagore ya Nigeria ni imwe mu makipe y’ abagore buri kipe y’...
13 December 2018 Yasuwe: 650 0

Cristiano Ronaldo yahaye ubutumwa bukomeye abavuze ko yitwaye nabi mu...

Umwami wa UEFA Champions League,Cristiano Ronaldo yatangaje ko nubwo...
13 December 2018 Yasuwe: 651 0

Thomas Muller yaciye ibintu hirya no hino ku isi kubera umugeri uteye...

Rutahizamu wa Bayern Munich,Thomas Muller yaraye ahawe ikarita itukura...
13 December 2018 Yasuwe: 1316 0

Umukunzi wa Maradona yamukoreye ubugome burenze nyuma yo guhagarika...

Diego Maradona wamamaye mu mupira w’amaguru kubera ubuhanga bwe bwatumye...
13 December 2018 Yasuwe: 1622 1

Umunyezamu Bashunga Abouba yatewe n’abagizi ba nabi nyuma yo gutsindwa na...

Umunyezamu w’ikipe ya Rayon Sports,Bashunga Abouba yatewe n’abagizi ba nabi...
13 December 2018 Yasuwe: 3070 3