skol
fortebet

PSG yiyemeje gutanga akayabo k’amamiliyoni kugira ngo igure Cristiano Ronaldo

Yanditswe: Wednesday 30, May 2018

Sponsored Ad

Ikipe ya Paris Saint Germain yemeye kwishyura Cristiano Ronaldo umushahara wa miliyoni 45 z’amayero ku mwaka ndetse ikishyura Real Madrid miliyoni 150 kugira ngo imukure mu ikipe ya Real Madrid.

Sponsored Ad

Nkuko byatangajwe n’ikinyamakuru AS,ikipe ya PSG y’abanya Qatar yiyemeje kwishyura Cristiano Ronaldo w’imyaka 33 aka kayabo kugira ngo abashe kuyikinira ndetse abe yayihesha igikombe cya UEFA Champions League.

Ronaldo ashobora kwerekeza muri PSG

Kugira ngo idafatwa n’ibihano bya UEFA byo gusesagura amafaranga arenze ayo yinjije (Financial Fair Play),PSG yiyemeje kurekura Neymar Jr akajya muri Real Madrid ndetse ikarekura abakinnyi barimo Edinson Cavani,Angel Di Maria na Goncalo Guedes.

PSG ikomeje gukora ibishoboka byose kugira ngo ibone uyu munya Portugal, gusa benshi baribaza niba ari bwemere gusohoka muri Real Madrid nubwo nyuma yo kwegukana Champions League ku wa Gatandatu yabwiye abanyamakuru ko agiye kuyivamo.

Igituma benshi bemeza ko PSG ishobora kubona Ronaldo, ni uko muri iki Cyumweru Real Madrid yamuritse imyenda izakoresha umwaka utaha Ronaldo ntiyifotoze ndetse ntagaragare mu mashusho ayambaye,aho bivugwa ko yifuza kongererwa umushahara akarusha Messi na Neymar bahora bahanganye.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa