Kigali

Rafael Nadal yegukanye US Open 2017(Amafoto)

Imikino   Yanditwe na: Dusingizimana Remmy 11 September 2017 Yasuwe: 229

Umunya Espagne Rafael Nadal ukina umukino wa Tennis yaraye akoze amateka yegukana igikombe cya US Open 2017 atsinze umunya Afrika y’Epfo Kevin Anderson amaseti 3-0 (6-3,6-3,6-4) ,kiba igikombe cya 16 atwaye mu bikombe bikomeye bikinwa muri Tennis (grand slams )buri mwaka.

Uyu mugabo waherukaga gutwara iki gikombe cya US Open muri 2013, yaraye akinnye umukino mwiza cyane aho yagendaga agarura imipira ikomeye yaterwaga n’uyu Anderson, byamuhesheje amahirwe yo kwegukana iki gikombe ndetse anahabwa akayabo ka miliyoni 3 n’ibihumbi 700 by’amadolari y’Amerika.

Kwitwara neza k’uyu musore byamuhesheje amahirwe yo gukomeza kuba uwa mbere ku isi ndetse binamuha amahirwe yo gukomeza guhangana na Roger Federer umurusha ibikombe 3 mu bikomeye bikinwa muri Tennis.

Nyuma yo gutwara iki gikombe Nadal yagize ati “Ni ibyumweru 2 byiza kuri njye.Ibyo nagezeho uyu mwaka birashimishije cyane nyuma y’igihe mfite ibibazo by’imvune ndetse ntanakina neza.kuva uyu mwaka watangira nakinnye neza cyane,kurangiza umwaka ntwara igikombe cya nyuma mu bikomeye muri Tennis n’iby’agaciro kuri njye.”

Uyu musore yashimiye umutoza we akaba na nyirarume wamwigishije Tennis Toni Nadal ndetse akamubera umutoza kuva afite imyaka 3 cyane ko aherutse gutangaza ko umwaka utaha atazongera gutoza uyu musore.

Mu bagore US Open yatwawe n’Umunyamerikakazi Sloane Stephens watsinze Madison Keys amaseti 2-0(6-3 6-0) byatumye akora amateka yo gutwara irushanwa rya mbere muri 4 akomeye akinwa buri mwaka ku nshuro ya mbere mu mateka ye.




Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bugesera FC ihagamye Rayon Sports iyikuraho amanota 3 ya mbere

Ikipe ya Bugesera FC itsinze Rayon Sports igitego 1-0 biyihesha kubona...
21 October 2017 Yasuwe: 310 0

Abakinnyi batatu bazatorwamo uwahize abandi mu batarengeje imyaka...

Kuri uyu munsi taliki ya 21 Ukwakira 2017, nibwo hamenyekanye abasore 3...
21 October 2017 Yasuwe: 537 0

Mulisa yatangaje impamvu ituma Sekamana Maxime ataba umukinnyi...

Umutoza w’ikipe ya APR FC Mulisa Jimmy aratangaza ko impamvu ituma Sekamana...
21 October 2017 Yasuwe: 766 0

Umukinnyi usiganwa ku magare yagonzwe na Ambulance arapfa

Umusore Mathieu Riebel umufaransa w’imyaka 20 yagonzwe n’ingobyi y’abarwayi...
21 October 2017 Yasuwe: 1077 1

Nshimiyimana yikomye bikomeye imisifurire ari guhabwa muri...

Umutoza w’ikipe ya AS Kigali Nshimiyimana Eric aratangaza ko atishimiye...
21 October 2017 Yasuwe: 680 0

Bugesera FC yiteguye kubona amanota 3 ya mbere kuri Rayon Sports

Umutoza w’ikipe ya Bugesera FC Bizimungu Ally aratangaza ko yiteguye gukura...
21 October 2017 Yasuwe: 938 0