Kigali

Rayon Sports igiye kuzana ba rutahizamu babiri bakomoka muri Mali banyuze mu makipe akomeye

Imikino   Yanditswe na: Dusingizimana Remy 21 July 2019 Yasuwe: 3569

Ikipe ya Rayon Sports yamaze kuvugurura urutonde rw’abakinnyi izakoresha mu mikino ya CAF Confederations Cup aho yongereyemo abanya Mali babiri bakomeye barimo Oumar Sidibé uzwi cyane mu makipe akomeye ndetse na Mohamed N’Diaye.

Aba barutahizamu bivugwa ko ari ibikurankota,bamaze kumvikana na Rayon Sports ndetse bazagera mu Rwanda kuri uyu wa Mbere baje kwiyereka abafana ba Rayon Sports bafite inyota yo kongera kwitwara neza mu mikino nyafurika.

Nkuko amakuru agera ku Umuryango abitangaza, rutahizamu Oumar Sidibé w’imyaka 29 yakiniye AS Vita Club yo muri Repubulika Iharanira Demokarasi ya Congo mu 2016, ayihuriramo na Sugira Ernest.

Yakiniye kandi Hatayspor FC yo mu cyiciro cya kabiri muri Turukiya mu mwaka ushize, ahava yerekeza muri Djoliba Athletic Club yo muri Mali mu ntangiriro z’uyu mwaka.
Mohamed N’Diaye w’imyaka 25, wakiniye Association Sportive Mangasport de Moanda yo muri Gabon guhera mu 2015, nawe agiye kuza muri Rayon Sports.

Rayon Sports ntiyatanze ku rutonde rwa CAF umunya Nigeria Samuel Ifeanyi Nwosu Chukwudi yaherukaga gusinyisha amasezerano gusa yongeyeho myugariro Nyandwi Sadam iheruka kongerera amasezerano.

Rutahizamu Micheal Sarpong yamaze kugarurwa mu ikipe ya Rayon Sports nyuma y’aho ibyo kwerekeza muri Orlando Pirates bidakunze.


Sarpong nawe yagarutse muri Rayon Sports

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sugira Ernest ahesheje Amavubi itike yo kwerekeza muri CHAN...

Amavubi yamaze gukatisha itike yo kwerekeza muri CHAN 2020 izabera mu...
19 October 2019 Yasuwe: 2743 0

Mashami Vincent yakoze impinduka 3 mu bakinnyi 11 Amavubi arakoresha...

Umutoza w’ikipe y’igihugu yamaze gushyira hanze abakinnyi 11 bagomba...
19 October 2019 Yasuwe: 2013 0

Lionel Messi yibasiye Cristiano Ronaldo na Zlatan Ibrahimovic kubera ingeso...

Rutahizamu wa FC Barcelona akaba na kapiteni wayo,Lionel Messi,yavuze ko...
19 October 2019 Yasuwe: 2715 0

Mukura VS yirukanye burundu umutoza wayo Olivier Ovambe

Ubuyobozi bw’ikipe ya Mukura VS bwamaze kwirukana burundu Umunya Cameroon...
18 October 2019 Yasuwe: 2073 0

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 3134 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 3867 0