Kigali

Rayon Sports ikuye amanota 3 I Nyagatare yiyushye akuya

Imikino   Yanditswe na: Dusingizimana Remy 26 March 2018 Yasuwe: 580

Ikipe ya Rayon Sports itsinze Sunrise FC ibitego 3-2 mu mukino wayigoye cyane, wabereye kuri stade Mabati yo mu karere ka Nyagatare, biyifasha kurangiza igice kibanza cya shampiyona iri ku mwanya wa mbere.

Rayon Sports irangije agace ka mbere ka shampiyona iyoboye urutonde

Nubwo ikipe ya Rayon Sports yorohewe n’igice cya mbere ndetse ikabasha gutsinda ibitego 2-0 byatsinzwe na Bimenyimana Bonfils Caleb ku munota wa 15 n’uwa 41,igice cya kabiri cyayibereye intambara kuko ibi bitego byombi byishuwe igice cya kabiri kigitangira bitsinzwe na Orotomal Alex ku mupira yaherejwe na Mamadou ku munota wa 47,Iyabivuze Osee ashyiramo icya kabiri ku munota wa 50 ku ishoti rikomeye yateye nyuma y’umupira mwiza yari ahawe na Serumogo Ally.

Rayon Sports yatangiye igice cya kabiri iri hasi ,yongeye kugaruka ndetse itangira kubaka umukino mwiza nkuko yari yabigenje biza kuyihira ku munota wa 71 ku gitego cy’umutwe cyatsinzwe na Usengimana Faustin kuri koloneri yatewe neza na Rutanga.

Rayon Sports yakinnye igice cya mbere ifite inyota y’ibitego ndetse abakinnyi b’imbere barimo Christ Mbondi,Bimenyimana Bonfils Caleb na Diarra bagenda bumvikana neza byatumye barusha cyane Sunrise bayibona ibitego 2-0.

Bimenyimana Bonfils Caleb ameze neza muri iyi minsi

Igice cya kabiri kigitangira,umutoza Gatera Alphonse yakoze impinduka yakoze kuri Rayon Sports aho yakuye mu kibuga Mutabazi Hakim amusimbuza Mbazumutima Mamadou bita Dinho watanze umupira wavuyemo igitego cya mbere.

Gutsinda kwa Rayon Sports kuyifashije kurangiza imikino ibanza ya shampiyona iri ku mwanya wa mbere n’amanota 30 aho ikurikiwe na AS Kigali ifite 29 mu gihe Kiyovu ari iya 3 n’amanota 28.

Umutoza Ivan Minnaert yari yakinnye uburyo bwa 3-4-3 bumufashije kwitwara neza muri uyu mukino,mbere yo guhura na Costa Do Sol mu mukino ubanza wa CAF Confederations Cup.

Abakinnyi babanjemo ku mpande zombi:
Sunrise FC:
Habarurema Gahungu (30), Serumogo Ally (2), Niyonshuti Gad (3), Mushimiyimana Regis (26), Niyonshuti Modeste (28), Uwambazimana Leon (20), Iyabivuze Osee (22), Mutabazi Hakim (12), Orotomal Alex (9), Ally Moussa Sova (10) na Niyibizi Vedaste (14).

Rayon Sports: Ndayishimiye Eric ‘Bakame’ (1), Mutsinzi Ange Jimmy (5), Usengimana Faustin (15), Mugabo Gabriel (2), Nyandwi Saddam (16), Rutanga Eric (3), Kwizera Pierrot (23), Mugisha Francois (25), Bimenyimana Bonfils Caleb (7), Mbondi Christ (9) a Ismailla Diarra (20).

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manzi Thierry yabwiye amagambo akomeye abafana ba Rayon Sports bacitse...

Kapiteni wa Rayon Sports Manzi Thierry yabwiye abanyamakuru ko gutsindwa na...
15 August 2018 Yasuwe: 1904 0

Zinedine Zidane yatigishije isi kubera amagambo akomeye yatangaje

Umunyabigwi Zinedine Zidane yatunguye benshi kubera amagambo yatangarije...
15 August 2018 Yasuwe: 4250 0

Amagambo umutoza wa Real Madrid yavuze kuri Gareth Bale yatangaje...

Umutoza Julen Lopetegui wa Real Madrid yasingije bikomeye Gareth Bale...
15 August 2018 Yasuwe: 1637 0

Sergio Ramos yandagaje Klopp wamushinje kuvuna Salah abigambiriye

Myugariro wa Real Madrid akaba na kapiteni wayo Sergio Ramos yandagaje...
15 August 2018 Yasuwe: 1584 0

Benshi batewe ubwoba n’imvune y’umukinnyi wa Borussia Dortmund...

Umukinnyi witwa Dario Scuderi wagize imvune ikomeye mu mwaka wa...
14 August 2018 Yasuwe: 2476 0

Buffon yatangaje benshi kubera amagambo yavuze kuri Cristiano...

Umunyezamu Gianluigi Buffon wa PSG wahoze ari kapiteni wa Juventus mu myaka...
14 August 2018 Yasuwe: 2651 0