Kigali

Rayon Sports ishobora kutazongera gukina shampiyona muri uyu mwaka wa 2017

Imikino   Yanditswe na: 21 November 2017 Yasuwe: 2669

• FERWAFA yemeye ubusabe bwa Rayon Sports bwo gusubika imwe mu mikino ya shampiyona kubera ibibazo iyi kipe irimo
• Rayon Sports ishobora kugaruka mu kibuga mu kwezi kwa kwa kabiri
• Rayon Sports ntabwo imerewe neza kubera kubura abatoza bayo n’abakinnyi bayo bagakorwaho iperereza

Ikipe ya Rayon Sports ishobora kutazongera kugaragara muri shampiyona uyu mwaka kubera isubikwa ry’imikino yari ifite muri iyi minsi ndetse n’imyiteguro y’ikipe y’igihugu mu marushanwa atandukanye ari imbere nka CECAFA na CHAN.

Ku munsi w’ejo nibwo ubuyobozi bwa Rayon Sports bwandikiye ibaruwa FERWAFA busaba ko imikino bwari bufite hagati y’uyu munsi taliki ya 21 Ugushyingo 2017 na taliki ya 10 Ukuboza ubwo hazaba hakinwa umunsi wa 10 yasubikwa kubera ibibazo iyi kipe irimo birimo gutakaza umutoza wungirije Ndikumana Hamad Katauti ndetse n’itabwa muri yombi ry’umutoza mukuru wayo Karekezi Olivier.


Ubuyobozi bwa Rayon Sports bwamenyesheje FERWAFA ko abakinnyi babo batameze neza mu mutwe bityo baba basubitse imikino yabo kugira ngo bahumurize abakinnyi bongere kugaruka mu bihe byiza aho FERWAFA yabibemereye ndetse ibamenyesha ko ariyo izagena igihe iyi mikino y’ibirarane izakinirwa.

Iyo urebye ingengabihe iri imbere,usanga nta mwanya uhari Rayon Sports yakinamo iyi mikino cyane ko ari imwe mu makipe atanga abakinnyi benshi mu ikipe y’igihugu kandi Amavubi ari hafi kwinjira mu mwiherero wo gutegura CECAFA izatangira ku I taliki ya 03 Ukuboza 2017 ndetse na CHAN iteganyijwe gutangira taliki ya 12 Mutarama 2018.

Rayon Sports yagombaga gukina n’Amagaju umukino w’umunsi wa 7 wa shampiyona kuri uyu wa kabiri taliki ya 21 Ugushyingo 2017 ariko uyu mukino ndetse indi mikino yasubitswe harimo 3 yagombaga kubahuza na Amagaju FC, Musanze FC na Etincelles FC.

Nkuko amakuru agera ku Umuryango abitangaza,ikipe ya Rayon Sports ishobora kuzongera gukina shampiyona mu kwezi kwa kabiri umwaka utaha ubwo CHAN izaba irangiye.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC y’abakinnyi 10 itsinze Rayon sports

Mu mukino wa shampiyona w’umunsi wa 11 utarabereye igihe, ikipe ya APR Fc...
25 February 2018 Yasuwe: 663 0

Pogba utari kuvuga rumwe na Mourinho ashobora kuva muri Manchester...

Umukinnyi Paul Pogba ukina hagati mu kibuga mu ikipe ya Manchester United...
25 February 2018 Yasuwe: 817 0

Amakuru y’ingenzi ari kuvugwa muri Rayon Sports na APR FC ziracakirana uyu...

Benshi mu bakunzi ba Ruhago mu Rwanda bategerezanyije ubwuzu umukino...
25 February 2018 Yasuwe: 1266 0

Amikoro yatumye Muhire Hassan asezera muri Miroplast FC ishobora...

Umutoza mukuru w’ikipe ya Miroplast Muhire Hassan yamaze kwandikira ibaruwa...
25 February 2018 Yasuwe: 277 1

Rurangirwa wongeye gutanga kandidatire yo kuyobora FERWAFA yakoze mu jisho...

Rurangirwa Louis wongeye gutanga kanditature yo kwiyamamariza kuyobora...
24 February 2018 Yasuwe: 1547 0

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 1246 0