Kigali

Rayon Sports ishyikirijwe igikombe cya shampiyona mu byishimo bikomeye (amafoto)

Imikino   Yanditwe na: Dusingizimana Remmy 8 July 2017 Yasuwe: 2943 0

Ku mukino wa gicuti wahuzaga Rayon Sports na Azam FC wateguwe mu rwego rwo gushyikiriza Rayon Sports igikombe cya shampiyona y’uyu mwaka w’imikino urangiye Rayon Sports inyagiye Azam FC 4-2 ibintu byashimishije abafana bayo bikomeye.

Uyu mukino wateguwe kubufatanye bwa AZAM TV isanzwe ari umuterakunga mukuru wa shampiyona y’icyiciro cya mbere hano mu Rwanda, n’ishyirahamwe ry’umupira w’amaguru mu Rwanda FERWAFA nyuma y’aho shampiyona yarangiye Rayon Sports idahawe igikombe yari yatsindiye.

Iyi kipe itozwa na Masudi Djuma niyo yafunguye amazamu ku munota wa 30 w’umukino ku gitego cyatsinzwe na Kwizera Pierrot cyishyurwa ku munota wa 41 na Yahya Mudhatir byatumye igice cya mbere kirangira amakipe yombi anganya 1-1.

Mu gice cya kabiri ikipe ya Rayon Sports yaje yariye karungu maze ku munota wa 49 ishyiramo igitego cya kabiri cyatsinzwe na Nshuti Savio.Ntibyatinze kuko ikipe ya Azam Fc yakomeje gusatira izamu rya Rayon Sports biza kurangira yishyuye iki gitego cyatsinzwe na Mohamed Yahya ku munota wa 55.

Ikipe ya Azam FC yatangiye gusimbuza abakinnyi bari bakomeye ishyiramo bamwe mu bakiri bato bayo, byahaye amahirwe Rayon Sports yo gusatira iyi kipe cyane bituma Muhire Kevin abatsinze igitego cya 3.

Rayon Sports ntabwo yacitse intege kuko nyuma y’aho umukino wari urangiye bongeyeho iminota 4 ku munota wa 3 w’inyongera Nahimana Shassir yatsinze igitego cya kane cyatumye umukino urangira ari ibitego 4-2.

Abakinnyi babanjemo ku mpande zombi:

Rayon Sports: Ndayishimiye Eric Bakame, Manzi Thierry, Mugabo Gabriel, Munezero Fiston, Niyonzima Olivier, Kwizera Pierrot, Nova Bayama, Muhire Kevin, Nahimana Shassir, Kakule Mugheni Fabrice, Nshuti Savio Dominique.

Azam FC : Mwadini Ali, Gambo Ismail, Kangwa Bruce, Kheri Abdallah, Mwantika David, Yahya Mudathir, Abdalla Masoud, Domayo Frank, Yahaya Mohamed, Yahya Zayd, Kipagwile Iddi.

Amafoto yaranze uyu mukino dukesha Ruhagoyacu :








Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mulisa yatangaje uko APR FC ihagaze mbere yo guhura na Rayon...

Umutoza Jimmy Mulisa aratangaza ko ikipe ye ya APR FC imeze neza ndetse...
21 September 2017 Yasuwe: 915 0

Mugisha na Areruya barahatana mu gusiganwa mu batarengeje imyaka...

Kuri uyu wa Gatanu taliki ya 22 Nzeri 2017 nibwo abanyarwanda 2 Mugisha...
21 September 2017 Yasuwe: 250 0

Muhitira arerekeza mu Bufaransa mu marushanwa akomeye yashakiwe na Disi...

Umusore Muhitira Felicien uzwi nka Magare yongeye kwerekeza mu Bufaransa mu...
21 September 2017 Yasuwe: 339 0

Gisagara yarahiriye guteza imbere imikino y’intoki

Akarere ka Gisagara karahiriye guteza imbere imikino y’intoki nyuma y’aho...
21 September 2017 Yasuwe: 239 0

Katauti yatangaje byinshi kuri Rayon Sports mbere y’umukino wa Super...

Umutoza wungirije w’ikipe ya Rayon Sports Ndikumana Hamad yatangaje ko...
21 September 2017 Yasuwe: 4926 1

Patriots yatangaje abakinnyi izakoresha mu mikino y’akarere ka...

Ikipe ya Patriots BBC yamaze gushyira hanze urutonde rw’abakinnyi izakoresha...
21 September 2017 Yasuwe: 214 0