Ikipe ya Rayon Sports yisanze mu itsinda D aho iri kumwe n’amakipe 2 yo mu karere ndetse na USM Alger yo muri Algeria,ihabwa amahirwe yo kwegukana iki gikombe.

Sponsored Ad

Muri iyi Tombola imaze kurangira ku cyicaro cya CAF giherereye mu mugi wa Cairo,Rayon Sports yisanze mu itsinda D aho igomba gucakirana n’amakipe arimo Gor Mahia yo muri Kenya,USM Alger yo muri Algeria,na Young Africans yo muri Tanzania.

Rayon Sports igomba gucakirana na Gor Mahia ya Kagere Meddie na Jacques Tuyisenge mu mukino ubanza wa CAF Confederations Cup uzabera I Kigali I Nyamirambo hagati ya taliki ya 6 Gicurasi 2018.

Rayon Sports yageze mu matsinda ya CAF Confederations Cup isezereye ikipe ya Costa do Sol ku kinyuranyo cy’ibitego 3-2 mu mikino yombi,ikaba igiye gutangira urugendo ruyerekeza mu mikino ya ¼ cy’irangiza muri iki gikombe.

Uko Amatsinda yose apanze
Group A : Raja Casablanca, ASEC Mimosas, Aduana Stars, AS Vita
Group B : Al Masry, UD Songo, Berkane, Al Hilal
Group C : Djoliba, Williamsville A, CARA Brazzaville, Enyimba
Group D : Rayon Sports, Gor Mahia, Young Africans, USM Alger