Kigali

Rayon Sports itsinze APR FC yisubiza igikombe cy’Agaciro development Fund[AMAFOTO]

Imikino   Yanditswe na: Dusingizimana Remy 30 September 2018 Yasuwe: 4843

Rayon Sports yisubije igikombe cy’Agaciro yatwaye umwaka ushize igitomboye, nyuma yo gutsinda ARP FC igitego 1-0 ku mukino wa nyuma warangiye iyi kipe y’ingabo z’igihugu ifite abakinnyi 10 kubera Rugwiro Herve wahawe ikarita itukura.

Mu mukino wa nyuma w’igikombe cy’Agaciro Development Fund wabaye kuri iki Cyumweru,wahiriye Rayon Sports yabonye igitego 1-0 ku munota wa nyuma w’umukino gitsinzwe na Mugisha Francois ku mupira yahawe na Michel Sarpong uri mu igeragezwa.

Rugwiro Herve yahawe ikarita itukura ku munota wa 52

Rayon Sports na APR FC zatangiye umukino zicungana ndetse bigora buri imwe kubona igitego byatumye igice cya mbere kirangira ari 0-0.

APR FC yahuye n’ibyago bikomeye, ubwo ku munota wa 52 myugariro wayo ukomeye Rugwiro Herve yahabwaga ikarita itukura nyuma yo gukorera ikosa umukinnyi Niyonzima Olivier.

APR FC ikibona umutuku,umutoza Lubomir Petrovic yahise atangira kwinjiza ba myugariro yari afite ku ntebe y’abasimbura aho yagize mu kibuga ba myugariro 6,kugira ngo arebe ko yazibira Rayon Sports ntimutsinde igitego.

Abakinnyi babanje mu kibuga ku mpande zombi

Rayon Sports yakomeje gusatira ndetse umutoza Robertinho yinjiza mu kibuga ba rutahizamu benshi byatumye ku munota wa 90,Mugisha Francois uzwi nka Master atsindira Rayon Sports igitego kimwe rukumbi ku mupira yahawe n’umunya Ghana Sarpong.

Rayon Sports yisubije iki gihembo nkuko yabigenje umwaka ushize ndetse umukinnyi wayo Muhire Kevin atorwa nk’umukinnyi w’irushanwa mu gihe ba rutahizamu batatu barimo Ndarusanze wa AS Kigali,Byiringiro Lague wa APR FC na Bimenyimana Bonfils Caleb barangije irushanwa batsinze ibitego 2.

Umwanya wa 3 wegukanwe na AS Kigali yatsinze Etincelles FC ibitego 2-0 byatsinzwe na Ndarusanze Jean Claude ndetse na Niyonzima Ally mu gihe igitego cya Etincelles FC cyatsinzwe na Muganza Joachim Koliba.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zinedine Zidane yasuzuguye cyane Gareth Bale bibabaza abakunzi ba...

Umutoza wa Real Madrid,Zidane, yasuzuguye cyane Gareth Bale wari wamusabye...
19 May 2019 Yasuwe: 2403 0

Simba SC igiye kurekura abakinnyi bakomeye barimo na Haruna...

Ubuyobozi bw’ikipe ya Simba SC bwatangaje ko butazongerera amasezerano bamwe...
19 May 2019 Yasuwe: 2777 1

Zlatan Ibrahimovic yafatiwe ibihano kubera ubugome yakoreye...

Rutahizamu wa Los Angeles Galaxy,Zlatan Ibrahimovic yafatiwe ibihano byo...
19 May 2019 Yasuwe: 2615 0

Manchester City yakoze amateka yo gutwara ibikombe byose bikinirwa mu...

Ikipe ya Manchester City yanyagiye Watford ibitego 6-0 ku mukino wa nyuma...
18 May 2019 Yasuwe: 2812 0

Muhanga FC y’abakinnyi 10 yatsinze APR FC ituma icyizere cyayo cyo gutwara...

Ikipe ya AS Muhanga itunguye benshi mu bakunzi ba ruhago mu Rwanda,kuko...
18 May 2019 Yasuwe: 6457 2

Manchester United yatangiye gushaka umuzamu usimbura David de Gea wanze...

Ikipe ya Manchester United yananiwe kongerera amasezerano umunyezamu David...
18 May 2019 Yasuwe: 1969 0