Kigali

Rayon Sports izahura na Enyimba muri ¼ cya CAF Confederations Cup

Imikino   Yanditswe na: Dusingizimana Remy 3 September 2018 Yasuwe: 2717

Muri Tombola imaze kurangira mu Misiri,ikipe ya Rayon Sports izahura na Enyimba FC yo muri Nigeria mu mikino ibiri ya ¼ cya CAF Confederations Cup.

Rayon Sports yabaye iya kabiri mu itsinda D,itomboye Enyimba FC yo muri Nigeria yabaye iya mbere mu itsinda C n’amanota 12 itsinze imikino 4 inatsindwa imikino 2.

Enyimba izahura na Rayon Sports yambara ubururu nayo

Enyimba FC isanzwe ari ubukombe muri Africa ndetse yegukanye ibikombe 2 bya CAF Champions League mbere y’uko umupira wo muri Nigeria usubira inyuma.

Enyimba F.C yashinzwe mu 1976 ikaba iherereye mu Mujyi wa Aba muri Nigeria,ikinira ku kibuga cya Enyimba International stadium cyakira ibihumbi 16 by’abafana.

Enyimba FC yagize ibihe byiza muri 2000 yibasira amakipe yo muri Afrika byatumye kuri ubu ifatwa nk’ikipe ya mbere muri Nigeria yose no muri Afrika muri rusange ndetse niyo ifite abafana benshi kuri uyu mugabane.

Mriu 2000 yegukanye ibikombe bibiri bya CAF Champions League, ibikombe bibiri biruta ibindi muri Afurika (Super Cup) birindwi bya shampiyona muri Nigeria na bine by’igihugu.

Muri 2003 Enyimba F.C yatowe nk’ikipe ya mbere ku mugabane wa Afurika ihigitse andi makipe y’ibigugu muri icyo gihe.

Kwitwara neza kwayo kwatumye iba imwe mu makipe make kuri uyu mugabane agira umuterankunga uyambika ubwo mu 2008 yasinyanaga afite agaciro k’amadorali ya Amerika ibihumbi 300 n’uruganda rwa Joma rwo muri Espagne rukora imyenda ya siporo.

Ni ubwa mbere iyi kipe igeze kure muri CAF Confederation Cup kuko indi nshuro imwe yitabiriye iri rushanwa mu 2010 yagarukiye muri 1/8 isezerewe na Zanaco yo muri Zambia.

Inzira yerekeza ku mukino wa nyuma wa CAF Confederations Cup

Rayon Sports iheruka guhura n’ikipe yo muri Nigeria mu mwaka ushize, ubwo yasezererwaga na Rivers United mu cyiciro cya nyuma cyo kwerekeza mu matsinda muri iyi mikino aho mu mukino ubanza yatsindiwe muri Nigeria igitego 1-0,mu mukino wo kwishyura banganya 0-0.

Rayon Sports niyo izabanza kwakira umukino ubanza I Kigali uteganyijwe ku wa 16 Nzeri uyu mwaka.

Uko amakipe azahura muri 1/4 cy’irangiza:
Enyimba FC VS Rayon Sports
Cara Brazzaville (Congo) vs Raja Casablanca(Morocco)
Al Masry (Egypt) vs USM Alger (Algeria)
RS Berkane (Morocco) vs AS VITA Club (RDC)

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    burya muzanye bobota rabama musuzugura ngo arashaje mumuguze umwaka umwe yabesurira ikipe cyane nko kuri penariti kd nubwo yajya akina nk’umusimbura. yatanga umusaruro
    naho ubundi rwose nabarutaha izamu bakibaho uretse gusitara kubitego.

    September 2018
  • chat_bubble K.D

    Ntakibazo tuzatsinda kandi imana iri kumwe natwe .

    September 2018

Inzindi nkuru

Cristiano Ronaldo yatunguye benshi kubera umutoza yifuza ko yaza gutoza...

Rutahizamu wa Juventus Cristiano Ronaldo arifuza ko ubuyobozi bw’iyi kipe...
25 April 2019 Yasuwe: 4093 0

U Rwanda rwakatishije itike yo kwerekeza muri shampiyona y’isi ya Beach...

Amakipe y’u Rwanda mu bahungu n’abakobwa yari yitabiriye imikino nyafurika...
25 April 2019 Yasuwe: 1029 0

Umukinnyi ukomeye muri Brazil yasanzwe mu muhanda yishwe

Uwahoze ari umukinnyi ukomeye witwa Valdiram Caetano w’imyaka 36 wakinnye...
25 April 2019 Yasuwe: 2685 0

N’Golo Kante yatumye benshi bacika ururondogoro kubera amafoto yashyize...

Umukinnyi N’golo Kante ukinira Chelsea,usanzwe uzwiho kudakunda...
25 April 2019 Yasuwe: 6757 0

Virgil Van Dijk yatowe nk’umukinnyi w’umwaka mu Bwongereza,Paul Pogba atuma...

Abakinnyi bose babigize umwuga mu gihugu cy’Ubwongereza,bemeje ko myugariro...
25 April 2019 Yasuwe: 2837 0

Manchester City yatsinze Manchester United yiyongerera amahirwe yo...

Pep Guardiola yaraye akoze agahigo ko kuba umutoza wa mbere utsindiye...
25 April 2019 Yasuwe: 961 0