Kuri uyu wa Gatandatu Taliki ya 09 Nzeri 2017, nibwo hatangiye imikino y’igikombe cy’Agaciro development Fund aho amakipe 4 y’ibigugu yesuranye mu mikino ya mbere yahiriye Rayon Sports na APR FC zatangiranye amanota 3. Ikipe ya APR FC niyo yafunguye irushanwa ry’Agaciro icakirana na AS Kigali biza kurangira itsinze AS Kigali ibitego 2-0 mu mukino wayoroheye cyane kuko yaruhije cyane iyi kipe y’abanyamugi iherutse kugura isinzi ry’abakinnyi.
Ikipe ya APR FC yaje muri uyu mukino yariye (...)

Sponsored Ad

Kuri uyu wa Gatandatu Taliki ya 09 Nzeri 2017, nibwo hatangiye imikino y’igikombe cy’Agaciro development Fund aho amakipe 4 y’ibigugu yesuranye mu mikino ya mbere yahiriye Rayon Sports na APR FC zatangiranye amanota 3.

Ikipe ya APR FC niyo yafunguye irushanwa ry’Agaciro icakirana na AS Kigali biza kurangira itsinze AS Kigali ibitego 2-0 mu mukino wayoroheye cyane kuko yaruhije cyane iyi kipe y’abanyamugi iherutse kugura isinzi ry’abakinnyi.

Ikipe ya APR FC yaje muri uyu mukino yariye karungu ntiyatinze kwinjiza igitego kuko ku munota wa 12 w’umukino yatsinze igitego cya mbere cyatsinzwe na Sekamana Maxime,ku mupira mwiza yahawe na Imanishimwe Emmanuel.

APR FC yakomeje gusatira AS Kigali maze ku munota wa 35 Issa Bigirimana aza gushyiramo igitego cya kabiri cyaciye intege iyi kipe dore ko guhera uyu munota kugeza igice cya mbere kirangiye yakomeje kurushwa na APR FC.

Mu gice cya kabiri amakipe yombi yagerageje gushaka uburyo bwo kubona ibitego gusa APR FC ikomeza kurusha AS Kigali gukina umupira mwiza nubwo nta kindi gitego cyongeye kuboneka dore ko uyu mukino warangiye ari ibitego 2 bya APR FC ku busa bwa AS Kigali.

Nyuma y’uyu mukino hakurikiyeho uwahuje ikipe ya Rayon Sports na Police Fc witabiriwe n’abafana benshi ugereranyije n’uwa mbere.Uyu mukino waranzwe no guhangana ku mpande zombi cyane ko ikipe ya Police FC yari ifte abakinnyi bavuye muri Rayon Sports nka Munezero Fiston na Nsengiyumva Moustapha baje muri uyu mukino bakaniye gutsinda ikipe bahozemo.

Mu gice cya kabiri ikipe ya Rayon Sports yaje kubona amahirwe menshi igenda iyahusha gusa yakomeje gusatira Police FC maze ku munota wa 74 Mugabo Gabriel atsindira Rayon Sports igitego ku mupira wari uvuye muri Koruneli.

Uyu mukino warangiye ari Iki gitego cya Rayon Sports ku busa bwa police FC maze iyi kipe yiyongerera amahirwe yo kwegukana igikombe cy’agaciro dore ko uzatwara iki gikombe ari uzaba afite amanota menshi ,cyane ko aya makipe yose uko ari 4 azahura.