Ku mikino w’umunsi wa 15 wa shampiyona yabaye kuri iki cyumweru, amakipe ari guhatanira igikombe cya shampiyona Rayon sports na Kiyovu abashije kwitwara neza atsinda imikino yayo cyane ko yombi yari yakiriye. Kiyovu Sports yisubije umwanya wa mbere by’agateganyo
Ikipe ya Rayon Sports itsindiye Marines FC kuri stade ya Kigali I Nyamirambo ibitego 2-0, byose byinjiye mu gice cya kabiri bitsinzwe na Kwizera Pierrot ndetse na Muhire Kevin ,mu gihe Kiyovu Sports yatsindiye Amagaju ku Mumena (...)

Sponsored Ad

Ku mikino w’umunsi wa 15 wa shampiyona yabaye kuri iki cyumweru, amakipe ari guhatanira igikombe cya shampiyona Rayon sports na Kiyovu abashije kwitwara neza atsinda imikino yayo cyane ko yombi yari yakiriye.

Kiyovu Sports yisubije umwanya wa mbere by’agateganyo

Ikipe ya Rayon Sports itsindiye Marines FC kuri stade ya Kigali I Nyamirambo ibitego 2-0, byose byinjiye mu gice cya kabiri bitsinzwe na Kwizera Pierrot ndetse na Muhire Kevin ,mu gihe Kiyovu Sports yatsindiye Amagaju ku Mumena ibitego 2-0 byatsinzwe na Nizeyimana Djuma na Placide.

Umukino wa Rayon Sports warebwe na Perezida wa CAF Ahmad Ahmad wasuye u Rwanda ku nshuro ye ya mbere kuva atorewe kuyobora iyi mpuzamashyirahamwe y’umupira w’amaguru muri Afurika.

Rayon Sports itsinze Marines FC 2-0

Ikipe y’amagaju FC yarangije umukino ari abakinnyi 10, nyuma y’aho ku munota wa 80 umusore witwa Munezero Dieudonne yahawe ikarita ya kabiri y’umuhondo nyuma y’ikosa yakoreye Maombi Jean Pierre wa Kiyovu Sports.

Ikipe ya Kiyovu Sports yisubije umwanya wa mbere n’amanota 28, aho ikurikiwe na Rayon Sports n’amanota 27 mu gihe AS Kigali ifite umukino ku munsi w’ejo na Musanze FC.

Imikino yabaye ku munsi wa 15 wa shampiyona :
Ku wa Gatandatu
Bugesera Fc 2-0 Mukura VS
Etincelles Fc 3-0 Gicumbi Fc

Uyu munsi
Rayon Sports 2-0 Marines
Kiyovu Sports 2-0 Amagaju
Kirehe 1-0 Police FC
Miroplast 1-2 Sunrise