Kigali

Rayon Sports yafatiye ibihano Nova Bayama na Djabel we ugomba guhanwa by’intangarugero[AMAFOTO]

Imikino   Yanditswe na: Martin Munezero 8 January 2019 Yasuwe: 3574

Ubuyobozi bwa Rayon Sports bwatangaje ko bwafatiye ibihano abakinnyi babiri bayo aribo, Manishimwe Djabel na Nova Bayama kubera imyitwarire mibi bagaragaje mbere y’umukino uherutse guhuza iyi kipe na Musanze FC.

Rayon Sports na Musanze FC byakinnye mu Cyumweru gishize kuwa Gatandatu tariki ya 5 Mutarama 2019, ifite ikibazo cy’abakinnyi benshi badahari kubera ibibazo by’uburwayi barimo Mukunzi Yannick, Sarpong, Gilbert na Rutanga biyongeraga kuri Rwatubyaye wari ufite amakarita atatu y’umuhondo.

Kuri uyu mukino wa 13 wa Shampiyona, Rayon Sports yatunguwe n’impinduka zitateguwe zagaragaye hagati y’ababa bakinnyi babiri.

Nova Bayama umwe mu bakinnyi 2 bafatiwe ibihano

Mbere y’uyu mukino Nova Bayama yabwiye ubuyobozi bw’ikipe ko atarakina kubera ko afite ikibazo cy’imvune ntiyajyana n’abandi.

Mugenzi we Djabel we yavuye mu mwiherero ku munsi wo kuwa Gatandatu akaba ari nawo munsi umukino wari kuba avuga ko agiye Kenya gushaka Visa yo muri Portugal aho yabonye ikipe imwifuza.

Mu kiganiro visi perezida w’iyi kipe, Me. Muhirwa Freddy yagiranye na City Radio yavuze ko ibyo Djabel yagiyemo ntabyo bazi nk’ikipe ndetse ko na Nova yabeshye ariyo mpamvu bose bafatiwe ibihano.

Yagize ati”Twari dufite abakinnyi benshi babanza mu kibuga bavunitse badahari, ariko icyadutangaje ku munota wa nyuma umukinnyi Nova Bayama yavuze ko nawe arwaye mu ivi.”

“Ange nawe yavuze ko abonye ikipe yihutirwa muri Portugal na Djabel nawe biba uko, igihari n’uko twagiye twihanganira abakinnyi bakagenda banabifata uko biboneye, ubundi iyo ikipe yifuza umukinnyi ntabwo ivugana bwa mbere n’umukinnyi kugeza agiye ahubwo ibanza kuvugana n’indi kipe.

Djabel we ngo agomba guhanwa by’intangarugero

Yakomeje avuga ko ariwe ari na Perezida w’ikipe bose bumvise ibya Transfer z’aba bombi ku munota wa nyuma, abakinnyi bavuga ko hari amatike bafite kandi atagomba guhinduka. Ygaragaje ko ku ruhande rwa Ange ho hatari ikibazo gikomeye kuko yasoje amasezerano ye yari afitanye n’ikipe mu gihe Djabel we agifite amasezerano y’imyaka 2 ihera ku kwezi kwa 10 umwaka ushize.

Yakomeje agira ati”Ibyo ntabwo twakomeza kwemera ko abakinnyi bakomeza kwigira ibyo bashaka, Djabel azahanwa by’intangarugero ndetse na Nova, ni abakinnyi tutakomeza kwemera ko bakomeza kwigira ibyo bashaka muri Rayon Sports.”

Yanavuze ko akanama gashinzwe imyitwarire muri Rayon Sports kamaze gufatira ibihano aba basore uyu munsi bakaba ari nabwo bari bushyikirizwe abaruwa abagenewe.

Djabel aracyabarizwa muri Kenya aho yagiye gushaka Visa imwerekeza muri Portugal,bikaba biteganyijwe ko ashobora kugaruka mu Rwanda ejo kuwa Gatatu cyangwa kuwa Kane.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ifoto y’umunsi :Perezida Kagame yifotoranyije n’ibyamamare birimo Thierry...

Perezida wa Repubulika Paul Kagame ukunda imikino ku buryo bukomeye,yifotoje
19 February 2019 Yasuwe: 5508 1

Ya kipe yatsinzwe ibitego 20-0 yirukanwe muri shampiyona kubera gukinisha...

Ikipe ya Pro Piacenza ikina mu cyiciro cya gatatu muri shampiyona y’umupira...
19 February 2019 Yasuwe: 1505 0

Abafana ba Chelsea FC bagaragarije urwango umutoza wabo Sarri nyuma yo...

Abafana ba Chelsea bari kuri stade ya Stanford Bridge bagaragarije urwango...
19 February 2019 Yasuwe: 1954 0

APR FC yakiriye neza umutoza wayo mushya,AS Kigali ikubitirwa I...

APR FC yongeye gushimangira ko ari umukandida ukomeye ku gikombe cya...
18 February 2019 Yasuwe: 2605 0

Oda Paccy yavuze ku ifoto iri guca ibintu yifotoranyije na Hon.Bamporiki...

Umuhanzikazi Oda Paccy uheruka kuvugisha benshi ubwo yashyiraga hanze ifoto...
18 February 2019 Yasuwe: 6637 0

Jules Ulimwengu yamaze kubona ibyangombwa bimwemerera gukinira Rayon Sports...

Rutahizamu Jules Ulimwengu wakiniye Sunrise FC mu gice cya mbere cya...
18 February 2019 Yasuwe: 2871 1