Kigali

Rayon Sports yahagaritse abatoza bayo mbere y’umukino wa APR FC

Imikino   Yanditswe na: Dusingizimana Remy 11 June 2018 Yasuwe: 2806

Ibibazo byo muri Rayon Sports bikomeje gufata indi ntera, kuko ubuyobozi bw’iyi kipe bumaze guhagarika abatoza batatu kandi iri kwitegura umukino w’ishyiraniro uzayihuza na APR FC ku wa Gatanu Taliki ya 16 Kamena 2018.

Mu nama irangiye mu kanya gashize yari iyobowe na perezida Muvunyi Paul,ubuyobozi bwa Rayon Sports bumaze kubwira abatoza bayo barimo Ivan Jacky Minnaert , Lomami Marcel na Jannot Witakenge ko bahagaritswe igihe kitazwi, kugira ngo hasuzumwe aho umwuka mubi uyirimo uri guturuka.

Nkuko amakuru Umuryango ukesha Rwanda Magazine abitangaza,aba batoza bahagaritswe ntibahawe amabaruwa abahagarika,ahubwo babwiwe ko bategereza indi myanzuro izafatwa nyuma nkuko umwe mu bari muri iyi nama yabitangarije iki kinyamakuru.

Yagize ati "Babwiwe ko bazira kutumvikana no kudatanga umusaruro. Bo bahise bataha hakomeza indi nama iri kuvugirwamo ibindi ahari biri bumenyekane nyuma."

Imyitozo yo kuri uyu wa Mbere tariki 11 Kamena 2018 yayobowe na Nkunzingoma Ramazan usanzwe atoza abanyezamu ndetse na Corneille uherutse kugirwa umuyobozi wa Technique, nyuma y’uko abandi batoza bose bari bitabiriye inama yatumijwe na Perezida wa Rayon Sports, Paul Muvunyi.

Biravugwa ko ikipe ya Rayon Sports irasigara itozwa na Nkunzingoma Ramazan ndetse Hategekimana Corneille uherutse kugirwa umuyobozi wa Tekiniki,nubwo hari ibihuha bivuga ko ikipe ishobora guhabwa Mashami Vincent wigeze gutoza APR FC,ariko kuri ubu akaba ari umutoza wungirije mu ikipe y’igihugu Amavubi.

Uretse aba batoza,ubuyobozi bwa Rayon Sports bwahagaritse kapiteni w’iyi kipe Bakame bumuziza gukwirakwiza umwuka mubi mu ikipe ndetse n’ushinzwe ibikoresho uzwi nka Djemba Djemba,nabo bahagaritswe igihe kitazwi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jules Ulimwengu yamaze kubona ibyangombwa bimwemerera gukinira Rayon Sports...

Rutahizamu Jules Ulimwengu wakiniye Sunrise FC mu gice cya mbere cya...
18 February 2019 Yasuwe: 1441 1

Kagere Meddie uhagaze neza muri Afrika yatangaje amakipe y’ibigugu...

Umukinnyi Kagere Meddie uhagaze neza mu mikino nyafurika yatangaje ko kuba...
18 February 2019 Yasuwe: 1887 0

Ikipe yo mu Butaliyani yatsinzwe ibitego 20-0 birimo 16 yatsinzwe mu gice...

Ikipe yo mu cyiciro cya 3 cyo mu Butaliyani,Serie C,yitwa Pro Piacenza...
18 February 2019 Yasuwe: 1607 0

Zinedine Zidane yasabye ibintu 2 bikomeye Chelsea FC yifuza kumuha akazi ko...

Umutoza Zinedine Zidane wubatse izina mu gihe gito yamaze atoza ikipe ya...
18 February 2019 Yasuwe: 2762 0

Ikipe ya Benediction Excel Energy yamaze gutangaza abakinnyi izakoresha mui...

Mu gihe habura icyumweru kimwe ngo Tour du Rwanda yo kuri 2.1...
17 February 2019 Yasuwe: 758 0

Manchester United yiyemeje gutanga akayabo ka miliyoni zirenga 200...

Ikipe ya Manchester United itishimiye umusaruro wa Romelu Lukaku, iri...
17 February 2019 Yasuwe: 5473 1