Kigali

Rayon Sports yirukanye Ivan Minnaert kubera imyitwarire ye mibi

Imikino   Yanditswe na: Dusingizimana Remy 20 July 2018 Yasuwe: 1582

Byarangiye ikipe ya Rayon Sports ifashe umwanzuro wo kwirukana Ivan Jacky Minnaert nyuma yo kunanirwa kwihanganira imyitwarire ye mibi.

Mu ibaruwa yashyikirijwe Minaert kuri uyu wa Gatanu tariki 20 Nyakanga 2018, Rayon Sports yabwiye uyu wahoze ari umutoza wayo ko ubushyamirane bwe na Hategezimana Corneille umutoza wongerera ingufu abakinnyi ba Rayon Sports bwabaye nyuma y’umukino wahuje Rayon Sports na USM Alger bumuturutseho, ikipe itabwihanganira ikaba yahisemo kumusezerera.

Corneille na Minnaert bagikorana nk’abatoza

Nyuma y’umukino wa USM Alger,abatoza ba Rayon Sports banze ko Minnaert yinjira mu rwambariro kuko bamukekagaho ubugambanyi nyuma yo kumara iminsi ibiri ariwe utwara umuyobozi wa USM Alger wari i Kigali kandi nta muyobozi wa Rayon sports yari asanzwe akorera ubizibituma ashaka kurwana na Corneille watabawe na polisi n’abafana.

Iyi baruwa yasinyweho na Muvunyi Paul perezida w’ikipe ya Rayon Sports nyuma y’igihe yari amaze yihanganira amakosa y’uyu mugabo yazanye ngo asimbure Karekezi Olivier.

Muri iyi baruwa Rayon Sports yandikiye Minnaert yamubwiye ko itakomeza kwihanganira uruhurirane rw’amakosa adafite ishingiro akora kuko ateza ingaruka mbi ikipe bityo bahisemo gutandukana.

Rayon Sports yasabye Minnaert ko agomba gutanga ibikoresho byose by’ikipe abitse yari yarahawe ubwo yahabwaga akazi akabigeza ku munyabanga w’ikipe Itangishaka Bernard ndetse agahabwa amafaranga y’impozamarira bamugomba.

Ivan Minaert yagizwe umuyobozi wa siporo tariki ya 19 Kamena 2018 nyuma y’aho kuwa 11 Kamena 2018 ari bwo we,Lomami Marcel na Jeannot Witakenge bari bahagaritswe mu kazi ko gutoza Rayon Sports bitewe n’umwuka mubi waje mu bakinnyi ugatuma umusaruro uba mubi cyane.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Atletico Madrid yatsinze Juventus yibikira impamba ikomeye ishobora...

Ikipe ya Atletico iri mu nzira nziza yo kwerekeza mu mikino ya ¼ cy’irangiza...
21 February 2019 Yasuwe: 179 0

Umukinnyi Dele Alli yabenze umukunzi we mu ibanga amusimbuza uwo bahuriye...

Umwongereza Dele Alli ukinira ikipe ya Tottenham yabenze umukunzi we Ruby...
20 February 2019 Yasuwe: 2539 0

Jules Ulimwengu yavuze byinshi ku rugendo rwe muri Rayon Sports n’umukinnyi...

Rutahizamu mushya wa Rayon Sports watangiye kwigarurira abafana kubera...
20 February 2019 Yasuwe: 2886 0

FERWAFA yakuriye inzira ku murima ikipe ya Mukura VS yashakaga ko umukino...

FERWAFA yamaze kwandikira Mukura VS iyimenyesha ko icyifuzo cyayo cy’uko...
20 February 2019 Yasuwe: 1273 0

Jurgen Klopp yateranye amagambo n’umutoza wa Bayern Munich nyuma yo...

Umutoza wa Livepool,Jurgen Klopp yagaragaye ari gushwana n’umutoza wa Bayern...
20 February 2019 Yasuwe: 1528 0

Neymar Jr yateye benshi agahinda kubera ubuzima bubabaje yaciyemo nyuma yo...

Rutahizamu wa PSG,Neymar Jr yatangaje ko nyuma yo kuvunika ukuguru kwe mu...
20 February 2019 Yasuwe: 2460 0