Ikipe ya Rayon Sports iratangaza ko yamaze kwandikira FERWAFA,FIFA ndetse n’ikipe ya Shakhtyor Soligorsk uyu musore yerekejemo babamenyesha ibya Muhire Kevin wataye akazi akajya kuganira n’andi makipe itabizi kandi ayifitiye amasezerano. Mu Kiganiro Martin Rutagambwa umwe mu bayobozi ba Rayon Sports basinyishije uyu musore amasezerano yagiranye n’itangazamakuru ku munsi w’ejo,yatangaje ko ibya Muhire babyumvise mu bitangazamakuru ndetse bandikiye buri rwego rushinzwe umupira w’amaguru kuri (...)

Sponsored Ad

Ikipe ya Rayon Sports iratangaza ko yamaze kwandikira FERWAFA,FIFA ndetse n’ikipe ya Shakhtyor Soligorsk uyu musore yerekejemo babamenyesha ibya Muhire Kevin wataye akazi akajya kuganira n’andi makipe itabizi kandi ayifitiye amasezerano.

Mu Kiganiro Martin Rutagambwa umwe mu bayobozi ba Rayon Sports basinyishije uyu musore amasezerano yagiranye n’itangazamakuru ku munsi w’ejo,yatangaje ko ibya Muhire babyumvise mu bitangazamakuru ndetse bandikiye buri rwego rushinzwe umupira w’amaguru kuri iki kibazo.

Yagize ati “Ibya Kevin tubyumva mu bitangazamakuru nk’abandi bose gusa mu minsi ishize ntabwo yitabiriye akazi yaba imyitozo n’imikino ndetse twumvise ko yagiye I Burayi,ntiyasezeye kandi ntawamuhaye uruhushya bityo tumufata nk’umukozi wataye akazi.Amasezerano ya Kevin ni nk’aya bandi bose,umukinnyi ushaka kuva mu ikipe aganira n’ubuyobozi ndetse akabwira abamushaka nabo bakumvikana n’ubuyobozi bamwemerera kugenda akagenda,babyanga akaguma aho ngaho.Iyo academy irahari twaravuganye ndetse turumvikana,amasezerano arangiye twaramurekuye aragenda bamubwira ko bamwemereye ko yakora amasezerano ye ku giti cye turamusinyisha imyaka 2.Mu minsi ishize nibwo yagiye muri ayo mafuti ye ahura n’inshuti ze bamubwira ko avuga ko twamugujije,Rayon Sports si Microfinance nta nubwo ari bank.Twamuhaye amafaranga ya recrutements ahwanye n’imyaka 2 yari yadusinyiye.Ikibazo cye tWagikozeho inama,hari ibaruwa twandikiye Shakhtyor Soligorsk yerekejemo,tumenyesha FERWAFA na FIFA.”

Muhire Kevin yamaze kwerekeza mu gihugu cya Belarus mu ikipe ya Shakhtyor Soligorsk isanzwe ikinamo umusore Sibomana Patrick aho byitezwe ko niyumvikana n’iyi kipe azaza gushaka ibyangombwa mu ikipe ya Rayon Sports ikimufiteho uburenganzira.

Mu minsi ishize uyu musore w’imyaka 19 yabwiye itangazamakuru ko amafaranga miliyoni 5 yahawe na rayon Sports atari recrutements ahubwo ari inguzanyo yahawe ndetse yiteguye kuyishyura.