Ikipe ya APR FC yongeye gushimisha abafana bayo, itsinda Miroplast ibitego 2-0 mu gihe Rayon Sports yiyunze n’abafana bayo inyagira Gicumbi FC ibitego 4-0.umutoza Mphande yatsinzwe umukino we wa mbere nk’umutoza wa Police FC na AS Kigali ibitego 2-0.

Sponsored Ad

Mu mikino y’umunsi wa 27 yabaye kuri uyu wa mbere,ikipe ya APR FC yakomeje gutsinda kuko yatsindiye Miroplast ku kibuga cyayo ibitego 2-0 byatsinzwe na Nsabimana Aimable na Hakizimana Muhadjiri.

Ismaila Diarra yiyunze n’abafana ba Rayon Sports, atsinda ibitego bitatu muri 4-0 Rayon Sports yanyagiye Gicumbi mu mukino wabereye kuri Stadeya Kigali i Nyamirambo.

Christ Mbondi niwe wafunguye amazamu ku munota wa 33 ku mupira yahawe na Muhire Kevin,yunganirwa na Ismaila Diarra watsinze ibindi bitego 3 byakurikiyeho.

AS Kigali yanze kugwa mu rwobo kabiri kuko yatsinze Police FC yari imaze iminsi ihagaze neza nyuma yo kuza k’umutoza Robert Mphande ibitego 2-0 byatsinzwe na Evode Ntwari na Jimmy Mbaraga,bituma iguma ku mwanya wa 2.

Ikipe ya Kiyovu Sports yaterewe mpaga ku kibuga cyayo ku Mumena kubera kubura ingobyi y’abarwayi (imbangukiragutabara),byatumye abasifuzi bategereza iminota 15 iteganywa n’amategeko irangiye bemeza ko ikipe itewe mpaga y’ibitego 3-0.

APR FC yakomeje kuyobora shampiyona n’amanota 57 AS Kigali n’iya 2 n’amanota 54 mu gihe Rayon Sports iri ku mwanya wa 3 n’amanota 48.

Uko imikino y’uyu munsi wa 27 yagenze:
Etincelles FC 1-0 Bugesera FC
SC Kiyovu 0-3 Kirehe FC (*mpaga)
Amagaju FC 1-0 Sunrise FC
Musanze FC 1-3 Espoir FC
Marines FC 0-0 Mukura VS
AS Kigali 2-0 Police FC
Miroplast FC 0-2 APR FC