Kigali

Rayon Sports yanyagiye Kirehe FC mu mukino wayoroheye cyane

Imikino   Yanditswe na: Dusingizimana Remy 13 January 2019 Yasuwe: 2814

Rayon Sports yatsinze Kirehe FC ibitego 3-0 mu mukino w’umunsi wa 14 wa shampiyona wabereye kuri stade ya Kigali I Nyamirambo kuri iki Cyumweru.

Rayon Sports yari imbere y’abafana bayo,yakoze ibyo yasabwaga itsinda Kirehe FC nk’iyitera mpaga ibitego 3-0,bituma ifata umwanya wa 2 wa shampiyona by’agateganyo imbere ya Mukura VS ifite imikino 4 y’ibirarane.

Rayon Sports yafunguye amazamu ku munota wa 44 ku gitego cyatsinzwe na Bimenyimana Bonfils Caleb kuri penaliti yamukoreweho mu rubuga rw’amahina rwa Kirehe FC.

Rayon Sports yagarutse mu gice cya kabiri yariye karungu,ihita ishyiramo igitego cya kabiri cyatsinzwe na kapiteni wayo Manzi Thierry.

Rayon Sports yakomeje gusatira Kirehe FC ndetse rutahizamu Sarpong agenda ahusha uburyo bwabazwe gusa yaje kwikosora ku munota wa 79 ubwo yashyiragamo igitego cya 3 ku mupira mwiza yahawe na Bimenyimana Bonfils Caleb.

Ubufatanye bwa Bimenyimana Caleb na Sarpong Micheal bukomeje gutanga umusaruro ukomeye,kuko bombi bafite ibitego 7 muri shampiyona.

Rayon Sports yakinnye uyu mukino iafite umukinnyi Niyonzima Olivier Sefu uri mu bahagaze neza muri uyu mwaka w’imikino,yashimangiye ko yagarutse mu bihe byiza kuko yaherukaga gutsindira Musanze FC ibitego 2-1 ku kibuga cyayo.

Undi mukino wahuzaga Bugesera FC na Musanze FC warangiye amakipe yombi anganya 2-2. Ibitego bya Musanze FC byatsinzwe na Frank Barirengako na Mugenzi Bienvenu (witsinze) naho Bugesera yo itsindirwa na Rucogoza Djihad na Ruberwa Emmanuel bavanye mu Intare FC.

Rayon Sports ihise ifata umwanya wa kabiri ku rutonde rw’agateganyo rwa shampiyona n’amanota 28,mu gihe Kirehe iri ku mwanya wa 14 n’amanota 11.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yishongoye kuri Jurgen Klopp na Maurizio Pochettino batoza...

Uwahoze ari umutoza wa Manchester United,Jose Mourinho yatangaje ko nta...
25 March 2019 Yasuwe: 1996 0

Rayon Sports yafashe ingamba zikomeye zigiye kuyifasha gutera imbere...

Kuri iki Cyumweru taliki ya 24 Werurwe 2019 nibwo ubuyobozi bw’ikipe ya...
25 March 2019 Yasuwe: 4746 1

Ikipe y’igihugu cya Uganda nayo yanyagiwe n’ikipe y’igihugu cya...

Ikipe y’igihugu ya Tanzania ibaye igihugu cya kane gituranye n’u Rwanda...
24 March 2019 Yasuwe: 2893 0

Ubuyobozi bwa Rayon Sports bwagabiye inka ebyiri umukinnyi Irambona Eric...

Ubuyobozi bw’ikipe ya Rayon Sports bwagabiye inka 2 umuryango mushya wa...
24 March 2019 Yasuwe: 4177 0

Wayne Rooney yasohokanye ku mazi umugore we byavugwaga ko benda gutandukana...

Umukinnyi Wayne Rooney wahoze akinira amakipe akomeye nka Manchester United...
24 March 2019 Yasuwe: 3973 0

Cristiano Ronaldo yongeye kugaragariza mu ruhame ko yanga ikipe ya Real...

Rutahizamu Cristiano Ronaldo ukinira ikipe ya Juventus yongeye kugaragaza...
24 March 2019 Yasuwe: 7072 0