Kigali

Rayon Sports yanyagiye Musanze FC irushaho gushimangira intambwe iyiganisha ku gikombe

Imikino   Yanditswe na: Dusingizimana Remy 17 May 2019 Yasuwe: 4776

Rayon Sports yongeye gushimangira ko ititeguye kurekura igikombe ngo gisange mukeba wayo APR FC,kuko yihanije Musanze FC mu mukino w’umunsi wa 28 wa shampiyona,iyitsindira ibitego 3-1 kuri stade ya Kigali I Nyamirambo.

Iyi kipe ifite abakunzi benshi mu Rwanda yagowe bikomeye n’igice cya mbere cyarangiye itsinzwe igitego 1-0,ariko yaje yahindutse inkuba mu gice cya kabiri,ishyiramo ibitego 3 ndetse irusha cyane Musanze FC yari yabanje kuyikanga.

Rayon Sports yatangiye igice cya mbere iri ku rwego rwo hasi ndetse abakinnyi bayo bagera imbere y’izamu ariko kubona izamu bikaba ikibazo cyane ko bateraga amashoti adakanganye yoroheraga umunyezamu wa Musanze FC.

Musanze FC yacungiraga ku mipira Rayon Sports itakaje,yabonye amahirwe yo gutera mu izamu ku nshuro ya mbere ku munota wa 45,ubwo rutahizamu Kambale Salita Gentil yegamiraga Manzi Thierry,ahereza umupira Kikunda Patrick wari wazamutse wenyine ku ruhande rw’ibumoso,nawe asiga myugariro Mutsinzi Ange niko guhereza umupira mwiza cyane Cedric Mugenzi ahita atsinda igitego cya mbere.

Iki gitego cyaciye intege abakinnyi,abafana n’abatoza ba Rayon Sports kuko bari basanzwe bazi uko Musanze FC ikunze kubagora gusa bajya kuruhuka bakubita agatoki ku kandi.

Robertinho uzwiho gusoma umukino cyane,yatangiye igice cya kabiri asimbuza,akuramo myugariro Habimana Hussein ashyiramo Mugisha Gilbert kugira ngo yongere imbaraga mu busatirizi.

Bidatinze Rayon Sports yahise ibona coup Franc ku munota wa 48,Manishimwe Djabel ahita ayitereka ku mutwe wa Manzi Thierry,uyu kapiteni yishyurira Rayon Sports.

Rayon Sports yari imbere y’abafana bayo,yahise icana umuriro imbere y’izamu rya Musanze,abakinnyi bose bigira imbere barayataka karahava.

Ku munota wa 58,nibwo rayon Sports yari yimye umupira Musanze FC yabonye igitego cya kabiri cyatsinzwe na Micheal Sarpong ku mutwe nyuma y’umupira mwiza yahawe na Manzi Thierry.

Rayon Sports ntiyigeze iha Musanze agahenge,kuko yayisatiriye karahava,ibura umupira byatumye ku munota wa 68,Kakule Mugheni Fabrice witwaye neza muri uyu mukino,ahereza umupira mwiza Manishimwe Djabel,wacenze myugariro Munezero Fiston yikubita hasi ahita atsinda igitego cya 3.

Rayon Sports yakinnye igice cya kabiri mu buryo bwa kinyamwuga cyane,yarushije bikomeye Musanze FC ndetse byashobokaga koi bona igitego cya 4 ubwo ku munota wa 85 Sarpong yaherezaga umupira Jules Ulimwengu utahiriwe muri uyu mukino,asigarana n’umunyezamu wenyine ateye awukuramo.

Musanze FC yongeye kuzuka mu minota 4 y’inyongera aho Barirengako yasigaranye n’izamu ryambaye ubusa,atera umupira mu izamu Mutsinzi Ange awukuramo n’umutwe ujya muri Koloneri.

Uyu mukino warangiye Rayon Sports iteye mu isamu inshuro 6 kuri 2 za Musanze ndetse yayoboye umukino ku kigero cya 57 kuri 43 ya Musanze FC.

Mu gihe habura imikino 2 gusa ngo shampiyona irangire,Rayon Sports imaze imikino 17 idatsindwa irayoboye n’amanota 66,ikaba irusha APR FC ya kabiri amanota 4 ariko iracyafite umukino izahuramo na AS Muhanga ku munsi w’ejo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Noni

    amafaranga bahaye musanze iyasubize dore akazi karayinaniye. uziko igitego cya Rayon cyajyagamo nkagirango Kigali irafashwe kubera urusaku rwahitaga rwumvikana ahantu hose. gusa iyi championa irakomeye ndabarahiye.

    4 months ago

Inzindi nkuru

Umutoza wa APR FC yabajije ikibazo gitangaje abanyamakuru nyuma yo...

Umutoza mushya wa APR FC,Mohamed Adil yanenze imisifurire yo mu gikombe...
15 September 2019 Yasuwe: 7078 0

Hazard na Courtois bagiriye inama Zidane y’umukinnyi yagura agafasha Real...

Rutahizamu Eden Hazard n’umunyezamu Thibaut Courtois babwiye umutoza wabo...
15 September 2019 Yasuwe: 4075 0

Neymar Jr yahaye ubutumwa bukomeye abafana ba PSG bamuvugirije...

Rutahizamu Neymar Jr waraye akinnye umukino we wa mbere muri PSG muri uyu...
15 September 2019 Yasuwe: 3676 0

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 4316 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 2582 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2430 0